Da pynman ya ka Sajar Nangli Festival ha Nan Thadlaskeiñ

Jowai : Da pynman won ya ka Sajar Nangli Festival ha Nan Thadlaskeiñ, Mukhla kam chibynta ka Discover Jañtia 2016.

Hachwa u sdang da pynman ya ka yalang heiwa u Symbood Montri Rangbah ka jylla u Dr. RC Laloo da man u kam u kongsan. Da e yei klam pdiang burom na u Addl. DC ka District u ma DM Wallang wa na u Joint Director ka Tourism Department u K. Momin.

U Dr. Laloo hei klam yong oo kam u kongsan da yaroh u ya ka JTES wa da ye ko u pynman ya ka Discover Jaiñtia khlem dam kattu la 10 snem. Da ong u leh wa boon ki thaw ha pyrthai kiwa man kam cheini tangwa dei chna hi eh tangwa ymtoh kam kiwa em cheini kiwa da e u blai kiwa da booh da kiwa rim wajah.

Da yoh won yei ki kyntien e khublei na u President ka JTES u ma P Lyngdoh. Ha kani ka yalang da wm leh u DC ka West Jaintia u Arunkumar Kembhavi, u MLA u ma Hopeful Bamon wa kiwi kiwi.

Da pynwyrngia ya kani ka miet da ki chaad tynre kam ka Chaad Pliang na ka chnong Mukhla, i Cherau Dance na ki NEHUMA, i chaad Kathak na ka Rachna Yadav na New Delhi, ka Fashion Show, i tem na ki dhab Nexus na Jowai, ki Colors na Shillong,u DJ Arpan wa da em leh i thang bomkala.