Jowai: Ha ka thong wow yoh yei yakrehlang wa ki bei, ki pa yong ki khynnah skur neibynta wow wanrah yei khooid i jngiar hawaroh ki liang, chimkhia ki wa sikai wow pynman ya ka prokram kyrpang wa tip kam ka Sensitization Programme for Parents on Sanitation & Cleanliness.
Ya kani ka prokram kyrpang neibynta ki bei ki pa yong ki khynnah skur da sakhi wada pynman hapoh ka chnong Jowai da ki kattu katni tylli ki skur SSA kiwa kynthup ya ka Rud Myntdu LPS SSA, Chilliangraij UPS SSA wa ka Loompyrdi Iongpiah LPS & UPS SSA kawa man ha ka 14 tarik wa ka 15 tarik u Naikhynde 2016.
Hei yaklam wa ki bor pyllai yong kini ki skur neiliang yong ki da khana wada leh ya kani ka program hajrong ka thong yong ka Swaachh Bharat Mission wei da ong leh wa i daw wa pynman ya kani ka prokram toh kam chibynta wow leh warom ya ka sngi kyrpang ki wa sikai ki skur waphær waphær ha kawi na ki sngi nadooh ka 1 tarik u Naikhynde hadooh ka 15 tarik u Naikhynde, u haap ki u chim ka yukit wow pynche wow pynsniawthooh ya ki bei ki pa yong ki khynnah chaphang i kordor yong i lehkhooid wei man khooid iwa man ha ki dur ki rukom waphær waphær.
Nalor i klam i batai ya ki manbei manpa kam wow pynkhlan chooh chooh ya ka khubor yong ka Swachh Bharat Mission dei chimbynta lang ki khynnah skur, ki manbei manpa wa ki wa sikai da pynman leh i puræ ya ka Swaachh Bharat Pledge kamjooh leh i pynkhooid pynjngiar.
Discussion about this post