Ka yakop rwai tynre kawa pynman da ka Khasi Dept. ka Thomas Jones Synod College

Jowai: Kam chibynta wow pynneh pynsah ya ka riti dustur yong ki khon u Ynñiawtrep Ynñiaw Wasa, ka Khasi Department ka Thomas Jones Synod College ynnin ka 23 tarik da pynman ki ya ka yakop rwai pyllah ya ki rwai tynre.

Ya kani ka yakop da pynman ha ka Conference Hall ka College heiwa u ma T. Shiwat, CEM JHADC da man u kam u kongsan wei da pyllai ya ka da ka R.M. Khonglah ka Head of Department ka tnat puræ Khasi.

ADVERTISEMENT

U kongsan hei klam yong oo da pynsñiaw u yei sñiawngooh wa khroo yong oo ya ka Khasi Department kawa pynman ya kam kani ka yakop ka wow kyrsuthiah ya ki khynnah khynroo khyllood yow sdang ki u maya ya ki rwai tynre, wei da ban joor u yeiwa emkaam u pynneh pynsah ya ka riti dustur ha kani ka juk wa katni.

Da wan chimbynta ha kani ka yakop da ki College, ki skur Higher Secondary na pynartylli ki district ka ri-loom Jaiñtia, wei neilaing kiwa sikai ka Khasi Department leh da e ki ya i rwai deilang wa ki khynnah puræ ka Class XII kiwa e ya i chaad.

Related posts

Phooh phieñ wei chongkhia ka Behdieñkhlam ynne ka sngi Mulong

July 12, 2025

Da pyndep ya ka lehniam yow khang noh yei ngam hapoh ka Aitnar

July 12, 2025

Ha kani ka yakop da em kiwa rwai samen (Solo), rwai arngut (duet) wa kiwa rwai yonglang (Group).

Ya ka yakop da jop da ka Jaiñtia Eastern College, wa ar da yoh da ka dhab u Eladmi Dkhar wa ki lok u wei ya i naam wa le da yoh da ka Kiang Nangbah Government College.