Shillong: Ka Meghalaya Medical Services Association East Khasi Hills Unit (MMSA-EKHU) da pynman ko ya ka CME Cum Get Together yong ki Doctor yong ka Association ha Hotel Majestic Polo, hajrong ka thong wow wanrah yei yatylli hapyrdi yong ki.
Ha kani ka yalang da wan chimbynta da u Dr. Aman Warr, DHS MI cum Advisor to the MMSA Meghalaya, Dr. N Wanswett MS GDH cum I/C DHS Research Meghalaya, Dr. Yevette Phira Vice President MMSA Meghalaya, Dr. Macmillan Surong, GS MMSA Meghalaya, Jt. Director, wa ki Doctor na ki hospital, PHC wa CHC.
U Dr. Warr hawa e yei klam da pynksan u yei emkaam wow pyman kam kini ki yachemlang wow pynjanai yei tip kamjooh leh yei rukom e sumaar. Da yaroh u leh ya ka phang yong kani ka yachemlang wa ong “Unity and Knowledge Breeds Power” wei da kyntu u leh ya ki Doctor wow man ki kiwa yatylli.
U Dr T. Jamir, Emergency Physician & Head Emergency Medicine Learning Centre GVK EMRI Shillong da klam u hajrong i emkaam wow leh ya ka CPR wei kammon ka CPR ye ko wow yarap u pynim ya ki bru lada sangeh u klongsnaam.
Neiliang u Dr. S. Warjri, MD DM Cardiology Consultant Nazareth Hospital wa Supercare Hospital Shillong da batai u hajrong ki chitom wa sangeh u klongsnaam wa i pynemkaam ya ka ECG.
Kiwi kiwa da em ha kani ka sngi toh u Dr. Daunipaia Slong, Asstt. Prof Forensic & Toxicology Department NEIGRIHMS, Shillong, u Kamakhya Prasad, MPS, Addl SP Crime Ribhoi District, wa kiwi kiwi.
Discussion about this post