15 49.0138 8.38624 1 0 4000 1 https://wyrta.com 300 0

Dawa ka WJNC wow beh kreh ya ki Manager ka Check Point Mookyndur kiwa krehkaam sorkar

0 Comments
Advertisement ad1

Jowai: Ka seiñ West Jaiñtia National Council (WJNC) da dawa ko ya u Lessee wow pyndam kreh ya ki Manager ha ka Check Point ka JHADC wa em ha Mookyndur, West Jaiñtia Hills kiwa man leh kiwa krehkaam sorkar.

Ka seiñ da ong ko wa hadien wa thooh yutip ko hajrong kiwa kreh ha kani ka Check Point wa da e wow pynlai da ki bru samen da chem wa kiwa kreh ha kani ka thaw toh kiwa krehkaam ha ki chnat sorkar waphær waphær.

Advertisement ad1

Ka seiñ da kam ko leh wa kini ki Manager da pynkreh ya ki da u Contractor 3 sngi ha ka chi tayaaw samen wei kini ki Manager toh kiwa krehkaam sorkar pura da pep kreh ki neidaw wow chong duty ha kani ka thaw, wei lada 3 sngi chi tayaw da haap pep kreh ki 12 sngi iwa mut mar chiteiñ bnai katwa ka tulop na ka sorkar yoh bait ki pura.

Ka seiñ da kylli ko wa lada kamni kini ki bru yoh chuti (leave) ki katwon sngi ha ka chi snem katkam ka aiñ, ini i leh yong ki ym ktah i mo yei kreh ka chnat wa ki kreh wa da ekti ya ki?

Kamtæ ka seiñ da epor ko ya u Contractor 2 tayaw wow beh noh ya kini ki manager lym kamtæ ka seiñ daw ujor noh ko cha ki bor ka aiñ khnang wow pynchitom ya ki wei wow man ko kam ka nongmuna ya kiwi neini chaphrang.

Advertisement ad1

0 Comments

Leave a Reply