15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynman ya ka yachemlang wow phyllu hajrong ki laad wow yada hawa pynjæd tympra i bor ka rymaw ya kiwa chna u bru

0 Comments
Advertisement ad1
Advertisement ad1
Advertisement ad1

Shillong: U montri ka tnat Education ka jylla, u Lahkmen Rymbui ynne da wai u ya ka yachemlang wa ar sngi wa tip kam ka “North East Regional Conference on Earthquake and Landslide Mitigation- Building Disaster Resilience in North East India” ha State Convention Centre, Shillong.

Ya kani ka yachemlang da pynman da ka Meghalaya State Disaster Management Authority, heiwa da emlang u montri ka tnat Meghalaya Revenue and Disaster Management, u Kyrmen Shylla, u Chief Secretary, u Y. Tsering, Additional Chief Secretary, Revenue and Disaster Management Department, u P.W. Ingty, u Executive Director, National Institute of Disaster  Management (NIDM), u B.H. Anil Kumar, Secretary, Department of Revenue & Disaster Management, Government of Meghalaya, u H.B Marak, ka Executive Director, Meghalaya State Disaster Management Authority, ka I. Mawlong, wa kiwi kiwi kiwa kynthup ya ki chipai na ka Air Force, Army.

Advertisement ad1
Advertisement ad1

U Lahkmen Rymbui u montri ka tnat puræ puthi hawa e i klam da ong u wa kam kini ki yachemlang yarap ko ya ki tnat sorkar wow man kiwa da pynkhreh hawa pynjæd tympra ki bor ka rymaw, heiwa da kyntu u leh ya ki jylla ka thaiñ mihsngi neibhah wa ki ya em bynta ki hawa kiwi ki jylla chah ktah ki neidaw i rukom man wei yajan kini ki jylla iwi na iwi.

Da ong u wa i jæd i pra lada dei bor ka rymaw namo iwa wanrah da ki kaam wa leh ki bru ye i u jia ha iwon iwon i por, katwa kamtæ emkaam u yaphyllu yumut hajrong ini wei iwa emkaam wow leh yow pynduna i chah ktah ki bru.

U montri ka Meghalaya Revenue and Disaster Management, u Kyrmen Shylla hawa e i klam da ong u wa ka thaiñ mihsngi ka ri toh ka thaiñ kawa joor i pynjæd tympra wa mih na i bor ka ka rymaw nadooh i oor ki khyndaw, u khmi, wa kiwi kiwi wei kani ka thaiñ em ko ha ka Zone V hapoh ka Seismic Zone Map ka ri India, katwa kamtæ emkaam wow pynman ya i pynche wei wow pynsñiawthooh paidbah hajrong ki laad yada wa kiwi kiwi.

Ha kani ka yachemlang da wai leh ya ka Website ka Meghalaya State Disaster Management Authority wei da pyllait paidbah leh ya ki kot lakdop wa kiwi kiwi wa chon wa pynmih da ka Meghalaya State Disaster Management Authority.

Ha kani ka yachemlang da batai yei kaamram ka National Disaster Management Authority (NDMA), New Delhi, ka National Institute of Disaster Management (NIDM), New Delhi, ka Geological Survey of India (GSI), New Delhi, ka Indian Institute of Technology (IIT), Guwahati, ka Indian Institute of Technology (IIT), Roorkee, North Eastern Space Application Centre (NESAC), Umiam, Meghalaya, ka National  Disaster  Response Force (NDRF), Guwahati wa kiwi kiwi.

Advertisement ad1
Advertisement ad1

0 Comments

Leave a Reply