theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Da pynman ya ka yalang pynsñiawthooh chaphang ki scheme sorkar ha Nartiang wa ha Jowai

Advertisement ad1

Ka All Jaiñtia Muster Roll Worker & Labour Union (AJMW&LU) chirup wa ka All Jaiñtia Midday Meal Worker Union (AJMDMWU) ha ka 24 tarik da khut pynman ki ya ka yalang pynsñiawthooh paidbah ha chnong Nartiang wa ha Jowai wei ha kani ka program da wan chimbynta da kiwa boon ki bru kreh mylla kiwa im u kamai jakpoh ha ki kam waphær waphær.

Neiliang kiwa yahkhmat yong kini ki seiñ da khana ki wa ka thong wa hakhmat yong kani ka program toh wow pynsñiawthooh ya ki paidbah wa chong chnong ka District chaphang kammon u man kiwa chong chnong kiwa tip yei hok yong ki kamjooh ya ki laad yarap waphær yong ka sorkar pyrdi wei kiwa lait leh nei chah phon chah chakæ næ imsngi u kamai  spah da ka luti wym hok.

Hajrong ka mat kyrpang yong kani ka program “Lehbha katni, u Kune i, Ya Ka Mynstep: Yoh ka Mynried u Chngaaiñ, Pateiñ u Kyllep u Sdep”. Ha chnong Nartiang kiwa yahkhmat yong ki ar seiñ  kiwa da e yei klam i kappe toh ka Dayoowanphi Iakai, President AJMW&LU-CEC,  u Khroo Lamsalanki Pariat, Adviser kini ki ar seiñ, ka Marioo Symblai, Executive Member, ka Bhalang Pamthied, Asst. General Secretary AJMW&LU, Amlarem Block wa u Dapherborn N. Suchiang, General Secretary, AJMW&LU-CEC, katwa neiliang ka yung krehkaam yong ka Labour Department won da mihkhmat da ka Bethcy Merry Toi, Labour Inspector WJHD kawa da khana pynsñiaw chaphang ki laad yarap waphær kiwa ka sorkar mang kyrpang ko neibynta ki bru wa kreh mylla.

Ha Jowai won ya kani ka program da pynman hei janmiet ha Yung Yonglang ka Dulong heiwa u Phrangsngi Sutnga, President AJMW&LU, Jowai Unit da man u kam u chongknor katwa kiwi ki dkhot ka AJMW&LU kiwa da e i klam i batai ha kani ka program toh ka Dayoowanphi Iakai, President AJMW&LU CEC, u Khroo Lamsalanki Pariat, Adviser AJMW&LU & AJMDMWU, u Ynruki Chyrmang, u Army Mulad, Vice-President, AJMW&LU CEC, u Loyal Siangshai, Adviser, AJMW&LU CEC, Thadlaskein Block wa u Dapherborn N. Suchiang, General Secretary, AJMW&LU CEC.

Chooh chooh ha kani ka sngi ki seiñ ha ka thong wow wanrah yei rukom krehkaam wa khooid wa hok wei wow pynpsiah hei pyrkhat pyrdaiñ ki bru wa kreh mylla chaphang kammon u wanrah yei rukom synchaar wa khooid wa hok hapoh ka District wa ka jylla wa ka ri waroh kawi da pynman ki leh i puræ ya ki kyntien kular da waroh kiwa yachimbynta hei yakhmat u Dapherborn N. Suchiang.

Share this:
Previous

Pynkup burom u DC ya kiwa yarap ya kiwa sahkut wa kiwa pynkhooid khyndaw wa oor

Next

Da phah ya ki pulit wow wan siat yap ya nga: Bernard N Marak