Shillong: Ka jylla Meghalaya man ko kawi na ki jylla ha India kawa joor bha kiwa yoh kjut Malaria hanlada ka sorkar da ye ko wow pynhiar ya kani ka kjut da 87 % ha ki le snem wa da lai, ka yaleh pyrchah ya kani ka kjut dang pteiñ ki ko da ki chnat sorkar, ki pulit wa chipai, kamjooh leh ki bru samen kiwa yakhun wow pyndoohjait ya kani ka kjut namo ka Malaria Elimination chwa u snem 2030 katkam ki thong krehkaam ka “National Framework for Malaria Elimination” yong ka Ministry of Health and Family Welfare, Government of India.
Kamtæ kam chibynta yong ka Anti Malaria Month 2019, da pynman ya ka Intersectoral Convergence Meeting wow thooh laad wow yada wei wow pyndoohjait ya ki kjut kam ka Malaria wa mih nei dait ki khniang.
Ya kani ka yalang da pynman ynne ka sngi ha Shillong Club, Shillong hajrong ka phang “Zero Malaria Starts With Me” heiwa ka R.V. Suchiang, Additional Chief Secretary, Government of Meghalaya da man ko kam ka kongsan, heiwa da emlang ka Matisiewdor War Nongbri, ka Deputy Commissioner wa kam ka Chairman District Health Society, East Khasi Hills District, wa kiwi kiwi ki heh ka chnat i chait i khiah wa kiwi kiwi ki chnat ka sorkar.
Ya kani ka yalang da pynman da ka yung krehkaam Deputy Director Health Services (Malaria) chirup wa ka Directorate of Health Services (MI), Government of Meghalaya.
Ka R.V. Suchiang hawa e yei klam da ong ko wa i yakhun pyrchah ya kini ka kjut ymtoh u ieh ya ka du ha ka chnat yong i chait i khiah tangwa emkaam leh yei yakrehlang yong kiwi tawon ki chnat kamjooh.
Da kyntu ko leh ya kiwi ki chnat wow thooh ki ya ki laad ki luti wow yakhun ya kini ki kjut deiwa ekti ya ki bui (resolution) cha u Secretary ka Health Department khnang wow ye u leh yeiwa emkaam hajrong kini waroh.
Ha kani ka sngi da pynlait leh ya ka kot Intersectoral Convergence for Prevention and Elimination of Malaria and other Vector Borne Diseases in Meghalaya 2019.
Discussion about this post