15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ki 3 seiñ na u Principal ka KNGC wow e thaw puræ ya kiwa ym yoh

Ki le sein
1 Comment
Advertisement ad1
Advertisement ad1
Advertisement ad1
Advertisement ad1

Jowai: Ki 3 tylli ki seiñbhalang ka ri-loom Jaiñtia wa khynthup yaka Jaiñtia Student Movement, hei yahkhmat u PS Phawa In-charge JSM (West Jaiñtia), u Wanbiang Pulang Public Secy. RJYF (CB) wa u R. Biam President ka AJHSWO (CB) ynne ka sngi da lai yachem ki ya u Principal ka KNGC neidaw wa boon ki khynnah ka ri-loom Jaiñtia dooh thaw puræ ki nadooh yaka BA, B.Com, XI Arts wa Science.

Hei yatoh wa ini, neiliang ki 3 seiñ da kyrpaad wei da kyntu ki ya u Principal neidaw wa boon ki khon ka ri-loom Jaiñtia ym yoh thaw puræ ki ha kani ka College kawa ki da yooluti wei da kyrmen ki neidaw kam wa man kattæ em du kani ka wi ka College sorkar ha ri-loom Jaiñtia kawa pait ya kiwa dooh wa duk ka ri-loom Jaiñtia waroh kawi.

Katwa kamtæ neiliang ki 3 seiñ da kyrpaad ki ya u Principal ka College wow pdiang ya kini ki khynnah neibhah lada neiliang ka College ym chim ko yaki, ki khynnah daw sepai chi snem i puræ yong ki, kiwa em da ki spah ngut wei wow thap ya ki cha ka Morning Section, Day Section kat chawa em thaw wei neiliang u Principal da ong u wa hadien ar tayaw daw khang noh yaka wai Admission hapoh ka College khnang wow lait na ki kynrum kynram.

Neiliang ki le seiñ da e ki i chaniah ha u Principal wow pait ya kani wei yooluti ki leh u leh ya iwa bha dooh.

Share this:
Previous

Wan sylli u Sniawbhalang ya ki yung krehkaam u DTO wa MTC ha Jowai

Next

Da pynman ya ka yalang wa kyrpang hajrong wow yaleh pyrchah ya ka kjut Malaria