Shillong: Kam chibynta wow pynkhreh ya ka National Press Day ka wow man ha kani ka 16 tarik, u Chief Electoral Officer, Meghalaya deiwa ya krehlang wa ka Shillong Press Club da pynman ki ya ka ya tai nai namo ka Panel Discussion ynne ka sngi hajrong ka phang ‘More Clarity and Light on EVM and VVPAT’ kam chibynta wow pynche chooh chooh ya ki paidabh ya i rukom krhekaam ka kor EVM-VVPAT.
Kiwa da wan chimbynta kynthup ki ya u Chief Electoral Officer, Meghalaya, u F.R. Kharkongor, Prof. R.K. Satpathy, Political Science Department, NEHU wa u Allantry F. Dkhar, Political Advisor to the Chief Minister uwa man leh kam u Vice-President ka United Democratic Party wei da man kam u chongknor ha ka ya tai nia da u Manas Choudhary.
I thong kani ka ya phyllu yumot toh wow pynche chooh chooh cha ki paidbah yei krehkaam wow jied ya kiwa mihkhmat kawa man kawa khooid deiwa pynemkaam da ka Electronic Voting Machine (EVM) waka Voter Verifiable Paper Audit Trail (VVPAT).
Neiliang kiwa thoh khubor da kular ki wow pteiñ yei kaam yong ki wow pynsniawthooh paidbah ya ki rukom krehkaam kini ki kor yow lait u mih i artatien ha ki paidbah.
Kiwa da chong wow ya tai nia da pynsniaw ki ya jar jiar ki sniaw yong ki tangwa da ong ki wa ki EVM wa ki VVPAT da pynkylla ki ya i chaniah ki paidbah ha ka synchaar paidbah wow jied ya ki kyrtong wa monjur khlem em ka thok ka chukor.
Chooh chooh da ong wa lait naka ri Nederland wa kiwi ki ri wa ym em pynkekaam ya kini ki kor kam ha ka Europe, ka ri India da chim ko wow lai cha khmat wow pynkrehkaam ya kini ki kor.
Heijooh i por kiwa ya chimbynta ha ka ya phyllu yumut da ong ki wa ka EVM dang lah ko bar ya ka Ballot Paper neidaw wa lait ko nei bylla ki bru.
Discussion about this post