Ka Yuva Utsav kawa chi sngi da pynman ya ka ha ka 18 tarik ha East Khasi Hills hapoh i pyrtuid ka Nehru Yuva Kendra, Shillong kawa man ka chnat ka Ministry of Youth Affairs and Sports.
U H.S. Kharpran, MLA da man u kam u kongsan wei ka phang ha kani ka sngi toh Panch Pran waka India@2047.
Kani ka Yuva Utsav kawa man neibynta ki khynroo ka District da pynman ha Shillong Jail Road Boys’ Higher Secondary School heiwa da em kamwa 200 ngut kiwa chimbynta ha ki yi yakob dro, i yathoh Poetry, ka Mobile Photography, ka Declamation Contest wa i pynyoo dustur riti.
Da ya emlang leh ki bru na ka chnat National Health Mission, Meghalaya, State Tuberculosis Office, Sports Office, DJD, Ministry of Agriculture and Farmers’ Welfare, Yuva Art and Craft kiwa da pynyoo ya ki kreh yong yow pynyoo kamjooh ya ki kaam pynroi hapoh ka jylla.
U Kynsaibor Kharkongor na ka NYV, Mawryngkneng da pynlai u ya kani ka yalang wei da khana u chaphang ki 5 tylli ki thong yow pynman ya ka ri kawa heh wa san deiwa pyndooh noh yei rukom pyrkhat dei yong rim kam ha ki por wa dang chah synchaar ha ki pharæng, u sarong yei yong idæ, u ya tylli wei wow em i kitkhlieh kam kiwa chong chnong ka ri.
Da ya emlang leh ka State Director NYKS, Meghalaya, ka Sharmistha Dhote, u O. Mawthoh na RBI Shillong, u DSO ka East Khasi Hills District, u Dr. M. Mawrie, u State Tuberculosis Officer, u A. Ansari, Assistant Director, u Arulnidhi K, Technical Officer, Directorate Jute Development, Ministry of Agriculture and Farmer Welfare, Kolkata, u Principal ka Shillong Jail Road Boys H.S. School, u Jibananda Pal wa u Deputy Director, NYKS Shillong, u D. Rapsang.
