Khliehriat: U District Magistrate, East Jaiñtia Hill District da pyntip u wa da pynkrehkaam ya ka aiñ Epidemic Disease Act, 1887 wa ka Meghalaya Epidemic Diseases, COVID-19 Regulations, 2020 wei wow khang yei poor ka khlam COVID-19.
Hadien wa yoh COVID-19 ar ngut ki bru ha Dong Rymbai, Wapung Shnong kiwa da yajan wa uwa yoh COVID-19 ha ka tayaw wa dadep kiwa na ka jooh ka yung/dong.
Kamtæ ka chnat i chait i khiah da pynbna ko ya ki 3 tylli ki yung ha ka jooh ka pchem (Compound) kiwa kynthup ya ki yong ka Pheit Rymbai, ka Ayiad Rymbai wa ka Bitwin Rymbai ha Dong Rymbai, Wapung Shnong kiwa man ki yung wa sah kini kiwa yoh COVID-19, da pynman noh ya ki kam ki Micro Containment Area, khnang wow ye u leh ya ka Contact Tracing wei wow leh ya ka Antigen Test/ RT-PCR Test ya waroh ki High Risk Contacts wa ki Low Risk Contact.
Kamtæ deiwa bood ya ka hukum u Chief Secretary neiliang u District Magistrate, East Jaiñtia Hills District da pynman ya kini ki 3 tylli ki yung ha Dong Rymbai, Wapung Shnong kam ki Micro Containment Area.
Yeini da leh khnang wow lait uni u khñiang u poor wei u krehkaam ko nadooh i synyaw ka 22 tarik uni u bnai hadooh 6:00 i step ka 26 tarik uni u bnai.
Da khang ya ki bru wow psiah u mih ki na wei chapoh kini ki thaw wa em kini ki yung, u Block Development Officer, Khliehriat Block/ Incident Commander of (Executive Magistrate i/c Khliehriat PHC) u man u kam u Supervising Officer kini ki Containment Area hapoh i pynlai u Addl. Deputy Commissioners, ka District.
Kani ka hukum ym krehkaam ko ya ki bru na ka yung krehkaam u Deputy Commissioner, East Jaiñtia Hills District, ki Medical and Health Officers, District Tracing Team, Medical Officers wa Medical Front Line Worker wa ki pulit na ka yung krehkaam u Superintendent of Police, East Jaiñtia Hills District.
Kiwa leh pyrchah yeini daw pynchitom ya ki katkam ka Disaster Management Act, 2005 wa ka IPC.
