Ka sorkar pyrdi lyngba ka Ministry of Home Affairs (MHA) da kyntu ko ya ki jylla wa ym toh u pynthut yei lai i wan ki bru kamjooh ki mar hapyrdi ki jylla wa hapoh ka jylla katkam ki kyndon ka Unlock-3.
Ya kani ka rai da phah cha ki Chief Secretary yong waroh ki jylla hadien wa yoh ya ka ujor wa da pynsangeh yei lai i wan hapyrdi ki jylla wa ki District.
Da ong ko leh wa ini i leh ki sorkar jylla da wanrah ko yei eh i khoo ya ki bru wa i pynlai ya ki mar.
Choh chooh ka MHA da ong ko wa ini i khang luti da ki bor District wa ki jylla da man i pyrchah ya ki kyndon ka MHA hapoh ka aiñ Disaster Management Act, 2005.
Da pynkynmoo ko leh ya ka hukum wa da pynmih ha ka 29 Naiynñiaw heiyatoh wa ki kyndon ka Unlock-3, heiwa da ong wa ym toh u khang yei lai i wan hapyrdi ki jylla wa hapoh ka jylla wei ym emkaam wow yohbor næ ki e-Permit heiyatoh wa i lai i wan wei ini kynthup i ya i lai i wan wa i kit mar wa da soi soskular wa kiwi ki ri.
