theme-sticky-logo-alt
theme-logo-alt
Advertisement ad1
Advertisement ad1

Da pynman ya ki sumaar khmat mynkna kam chibynta ka World Sight Day

Advertisement ad1
Advertisement ad1

Ka World Sight Day namo ka sngi kyrpang neibynta ki khmat toh kawa pynman khlieh u snem kam ka sngi wow pynsñiawthooh paidbah yei emkaam wow sumaar ya ki khmat kawa da pynman ynne ka sngi hajrong ka phang ‘Love your eyes’ iwa mut wow maya ya ki khmat yong phi.

Ha kani ka World Sight Day, ka Bansara Eye Care Centre da pynman ko ya ka Free Diabetes Screening & Diabetic Retinopathy Screening ynne ka sngi deiwa ya krehlang wa ka Society for Promotion of Eye Care and Sight (SPECS), Indian Medical Association (IMA) waka All India Ophthalmological Society (AIOS).

Kiwa boon kiwa chitom kiwa kwah u tip boi wa yoh kjut chini ki da wan ki cha ka Bansara Eye Care Centre wa em ha Laitumkhrah wa kiwi de ki thaw wa em ki Vision Center kam ha Jowai, Nongpoh wa Mairang yow yoh ki yei sumaar mynkna neibynta wow sylli yei kjut chini wa i chah ktah ki khmat nei kjut chini. Yow pynsñiawthooh chaphang i kjut chini da saam leh ya ki kot lakdop wa khana chaphang kini ki kjut.

Deiwa yarap i stat ka juk wa katni da ye wow e sumaar deiwa bha heijooh i por leh kiwa boon ki kaam ka pyrthai wa katni da ktah yei bor ki khmat kamtæ kani ka World Sight Day 2021 man ko leh wow pynsñiawthooh yei emkaam wow sumaar ya ki khmat deiwa pynman leh ya ki sumaar wa mynkna ha waroh ki Bansara Eye Care Centre wa ki Vision Center kiwa em ha Smit, Mawkhar, Mawsynram, Mawkyrwat, Nongpoh, Mairang, Nongstoin, Khliehriat wa Jowai heiwa da em boon ki bru wa wan chakhmat.

Ka Bansara Eye Care Centre da pynman ko leh ya ka Free Eye Screening Camp deiwa ya krehlang waka Mawlai Phudmuri District kawa da pynman ha Mawlai Motsyiar ynne hi ka sngi neibynta ki paaid ka Mawlai wa ki thaw wa em chajan.

Share this:
Previous

Pynhiar ka sorkar pyrdi yei dor ki phñiang baam

Next

Lai e mynsien u Montri yow pynjoor i pynmih mooyong