Kam chibynta ka International Water Conclave 2024, ka yung krehkaam u Deputy Commissioner, West Jaiñtia Hills Distric chirup i ya krehlang waka chnat Water Resource deilang waka Directorate of Arts & Culture ka sorkar jylla, ynne ka sngi da pynman ki yei yakob yaleh Quiz waka Painting Competition ha Conference Hall ka yung krehkaam u DC, Jowai.
Haka yakob Quiz da wan chimbynta kamwa 6 tylli ki liang wa kynthup nadooh ki NSS napoh ka Thomas Jones Synod College wa Kiang Nangbah Government College, ki Bharat Scouts & Guides wa kiwa mihkhmat na ki skur yong ka West Jaiñtia Hills District wa kynthup yaka Sohkha Government Higher Secondary School.
Haka yakob dro won hajrong ka phang Water Conservation: Life and Water Connection, wa Future Sustainability da wan chimbynta kamwa 28 ngut.
Ha ka Quiz da pynman deiwa thoh yei jubab katkam ki yukylli wa da e heiwa da jop da ka Sohkha Government Higher Secondary School wa mihkhmat da u George Donkupar Gassah wa u Nangkhraw Kitbor waka Thomas Jones Synod College wa mihkhmat da u Mutbha Lapasam wa u Quickly Pala.
Neiliang ka B. Blah, Additional Deputy Commissioner ka West Jaiñtia Hills District hawa pynche hajrong kani ka sngi da ong ko haka yakob dro daw phah cha Shillong neibynta u bichaar kiyi wow jop.
Wei kini kiwa jop daw mihkhmat ki yaka West Jaiñtia Hills District u yakhun haka State Level Competition kawa man leh kam chibynta wow pynsñiawthooh paidbah yeiwa emkaam u yada wei wow pynneh pynsah ya ki tyllong um wa ki wah.
Discussion about this post