Da pynman yaka yakob khwe ka Ka 6 Shnong Wah Lukha Association

Jowai: Ka 6 Shnong Wah Lukha Association da pynman ko yaka yakob khwe namo ka Fishing Competition yong ka ha ka 2 tarik uni u bnai ha Wah Lukha, Sonapyrdi.

Da wan wow sakhi ya ka yakob da u Krison Langstang, MDC Sumer kam u kongsan heiwa kiwa khwe wa chimbynta da wan ki na kylleiñ ka ri-loom Jaintia.

Ha kani ka sngi da jop wei da yoh nyngkong, wa ar, wa le wa kawa soo da u Lyngkhot Pohthmi uwa na ka chnong Lumshnong, da yoh wa san da u Deimon Phadong uwa na Shangpung, wa ynru da yoh da u From Pohshna na Kuliang, wa ynniaw da yoh da ka Hamli Talang na Sonapyrdi, wa phra da yoh da u Denilson Rymbai na Sonapyrdi, wa khynde da yoh da u Yoomi Phyrngap na Shnongrim Nongkhlieh.

U Secretary ka 6 Shnong Wah Lukha Association, u Daiapherbha Lamare da batai u yei thmu yong ka Association wow pynman ya kani ka yakob toh wow pynmih poisa ya ka Association neidaw wa em ko ka thong wow pynbha, pynkhooid wei wow yada u pynneh pynsah ya ki dakha dohum kiwa em ha kani ka wah. Da pynsñiaw u leh yei sñiawngooh ya ki paidbah kiwa jooh kyrchaan ya ka Association ha waroh ki liang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U kongsan, u Krison Langstang ha i klam yong oo da e khublei u ya kiwa kitkaam ka Association kiwa da khut lang ya oo wow embynta lang wow sakhi ya kani ka Fishing Competition wei da yaroh u leh ya ki kaam wa ka Association wa da leh ko wow yada ya ka wah Lukha wei da ban joor u leh wa kiwa yahkhmat ka seiñ wow yaineh ki ha ka yurim khnang wow poi cha ka thong. Da kyntu leh ya ki paidbah ka thaaiñ wow chaniah ya kiwa yahkhmat yong ki wei wow kyrchaan leh ya ki ha kiwon kiwon ki bynta khnang wa i thmu yong ka Association wow yada, wow pynbha wei wow pynneh pynsah ya ka wah Lukha u man ko kawa jop.

Ha kani ka sngi da yoh leh yei klam na u Min Lamare u waheh chnong ka Kuliang, u Edimon Lamare u waheh chnong Sonapyrdi, u Mishal Suchen na ka chnong Shymplong wa na u Elising Tongper na ka chnong Kuliang. Da emlang leh u President ka KSU Narpuh Circle u Kwilnis Suchiang.

Ini toh katkam ka kyrwoh wa da phah da u Daiapherbha Lamare, Secretary 6 Shnong Wah Lukha Association.