15 49.0138 8.38624 1 0 4000 1 https://wyrta.com 300 0
Advertisement ad1

Ka e sikai wa ar sngi yaki pulit yow tip chaphang ki aiñ yada ya ki kynthai wa khynnah

0 Comments

Jowai: Hajrong ka yurim wow pynku yei tip i chemphang haki pulit yaki aiñ wa yatoh waki kynthai waki khynnah, neiliang ka North East Network chirup i ya krehlang wa ki chnat pulit ka WJH District da pynman ki yaka e sikai wa ar sngi kawa tip kam ka Refresher Course on “Laws Related to Women and Children” ha Conference Hall ka yung krehkaam u Superintendent of Police WJHD.

Da ong neibhah lada jia iwon iwon haka imlang sahlang da tip che waki pulit toh kiwa nyngkong dooh wa ki paidbah paan yarap ki, kat kamtæ emkaam bha yaki wow tip yaki aiñ ki kyndon wa yathoh waki khynnah wa ki kynthai. 

Heijooh i por yow ye u yada yaki kynthai nei chah yoobeiñ ha kiwa boon rukom haka imlang sahlang.

Kani ka e sikai da pynman haka 6 waka 7 tarik uni u bnai wei ki bru chemphang wa e yei klam kynthup yaka Satrupa Bhattacharjee, Advocate High Court Meghalaya kawa da klam hajrong ka SHWWP (PPR) Act 2013 waka Latest Criminal Amendments Regarding Laws Related to Women and Children wa kiwi, katwa ka I. Warjri Assistant Director MATTI Shillong da klam ko hajrong ka phang Ethical Responses to Challenges at the Work Place, ka Work Ethics waka Governance and Environment wa kiwi kiwi ki phang.

Ha kani ka e sikai da em leh ka kynta yachem yumut wada bhah jar jiar ka kynhun.

0 Comments

Leave a Reply