Ka Kiang Nangbah Government College, Jowai da pynman ko ya ka e sikai namo ka Workshop wa chi sngi ha ka 14 tarik uni u bnai hajrong ka phang “NEP 2020 and its implementation in Higher Education Institutions” namo ka aiñ NEP wei kammon u pynkrehkaam ha ki thaw puræ kam ha ki College ka Jaiñtia Hills.
Ha kani ka e sikai da yoh ya ki kyntien lamphrang na ka Principal ka Kiang Nangbah Government College, ka Dr. E.M. Blah.
Da em 120 ngut kiwa sikai na kylleiñ ka Ri-loom Jaiñtia kiwa chimbynta kiwa kynthup ya ka Shangpung College, Thomas Jones Synod College, Ummulong Presbyterian College, St. Anthony’s College Byndihati, Nongtalang College, Amwi College wa Jaiñtia Eastern College.
Ki bru chemphang ha kani ka e sikai toh kiwa na North-Eastern Hill University kiwa kynthup ya Prof. S.M. Sungoh, Prof. A.P. Pati wa Prof. G. Bez.
Ki bynta wa kongsan yong kani ka e sikai toh ki lynnong sika namo ka Curriculum, wow jied ya ki Credit System, i rukom e sikai thymme kiwa pynsuk ya ki khynnah katkam ki kyndon kani ka Policy.
