U Montri Rangbah ka jylla, u Conrad Sangma da pyntip u i yaklam pynbait pood neibynta ka wat wa ar namo ka Phase-II daw pynman noh ha uni u Naisan wow wan.
U Conrad khlem da khana ya ka tarik, da ong u wa daw sdang yei yaklam ha u bnai wow wan deilang wa ka Assam.
Kam wow pynkynmoo wa ha u bnai wa dep, ka sorkar da dep ko wow pynbna ya ki dkhot thymme ki le tylli ki Regional Committee neibynta ki 6 tylli ki thaw wa ya kajia pood waka Assam wei da e por ya kini ki Committee 45 sngi wow lai ki cha kini ki chnong khappood yow yachem wa ki bru wa chong chnong kini ki thaw yow sñiawthooh yei kwah ki kamjooh neiwon hadooh heiwon sdang u pood.
Ka sorkar da pynbna ko ya kini ki 3 tylli ki Regional Committee ha ka 24-03-23.
Ki 6 tylli ki thaw wa em i ya kajia pood toh ka Langpih ha West Khasi Hills District; ka Borduar, ka Nongwah-Mawtamur, ka Deshdoomreah, ka Block-II kiwa em ha Ri-Bhoi District wa ka Block- I, Psiar-Khanduli kiwa em ha West Jaiñtia Hills District.
Puræ leh: Hapoh 45 sngi toh u phah ki Regional Committee ya ka Report pynbait pood
