theme-sticky-logo-alt
theme-logo-alt

Da pynman yei pynsñiawthooh hajrong i chah khayi wei chah rahbor ki khynnah ha East Jaiñtia 

Advertisement ad1

Kam chibynta yong ka “Azadi Ka Amrit Mahotsav”, da pynman ya ka pynsñiawthooh hajrong i leh pyrchah yei chah khayi wei chah rahbor ki khynnah namo ka “Combating Child Trafficking” ha Conference Hall ka yung krehkaam u Deputy Commissioner, East Jaiñtia Hills District da ka National Commission for Protection of Child Rights (NCPCR), ka State Commission for Protection of Child Rights wa ki bor District.

Ka thong yong kani ka yalang toh wow pynsñiawthooh wow tip kammon ki khynnah em ki hei maa wei kammon wow yada ya ki khynnah nei chah pynemkaam bakhla la ha ka District næ ha ka ri.

Advertisement ad1

U Deputy Commissioner, East Jaiñtia Hills, u A. Baranwal, hawa e yei klam da ong u wa kam chibynta yong ka “Azadi Ka Amrit Mahotsav” ka sorkar India chirup wa ka sorkar jylla da chimkhia ki wow yakhun pyrchah ya ki kaam wa ktah ya ka imlang sahlang wei wow ban hajrong ki kaam wa toh u leh. Da ong u wa emkaam bha wow yakhun pyrchah ya ki kaam wa ktah ya ki khynnah neibhah wa man ki pyrchah ya ki hok yong ki namo ka Child Rights.

U Abhijit Sharma, Expert Resource Person ka NCPCR da klam u hajrong ka “Combating Child Trafficking”, u T. Kyndiah, District Child Protection Officer (DCPO) da batai u ya ki kaamram ki chnat kam ka Police Department, District Child Protection Unit (DCPU) Child Welfare Committee, Juvenile Justice Board (JJB), Childline, Special Juvenile Police Unit wa ka Anti Human Trafficking Unit.

Ha kani ka sngi da chimbynta da ki pulit, ki District Child Protection Unit (DCPU) wa kiwi kiwi.

Share this:
Previous

Shillong Premier League 2021-22: Jop suk ka Lajong ya ka Ryntih

Next

Ki Montri wa ki MLA kiwa daw pynhær ya ka lama ka ri ha kani ka Independence Day 2022