Wow pynche pynsñiawthooh paidbah hajrong ki kaam chah thok lyngba ka Internet namo ki Cyber Fraud, Cyber Spam, Cyber Scam wa ki Cyber Crime against Women and Children; ka yung krehkaam ka District Social Welfare Officer, East Jaiñtia Hills District ynne da pynsñiawthooh paidbah deiwa pynman ya ka Cyber Crime and Social Advocacy ha Dkhiah East Community Hall, East Jaiñtia Hills District.
U B. Jyrwa, Addl. Superintendent of Police, da batai u kammon ki damok thok bru ki lyngba ka Internet, da batai u leh hajrong ka CVV/OTP Fraud, UPI Phishing Fraud, i kaam thok deiwa paan poisa da ki Money QR Code/Google Pay Link/PhonePe/Paytm Fraud lyngba ki Google Docs App, ka OLX, ki rynsan ya dai ya thied namo ki eCommerce Platforms, ka Amazon Pay, Gift Certificate, Cashback Offers, Screen Sharing Apps, Sim Card Swapping wa kiwi de deiwa pynemkaam ya ka Social Media kam ka Facebook wa kiwi kiwi.
Da batai u leh hajrong ka National Cyber Crime Reporting Portal, ka rynsan ka sorkar India wow pdiang ya ki ujor wei wow yarap ya kiwa chah thok, ki kynthai wa kiwi kiwi.
Da kyntu u leh wow Phone ha u National Helpline Number-1930 wow ujor lada em i chah thok wei wow Phone hapoh 24 kynta.
Ha kani ka sngi da yoh leh i klam na u T. Kyndiah, District Child Protection Officer, heiwa kammon chah phon ki khynnah wow ngat ha ki kaam pyrchah aiñ yeiwa ye u leh lyngba ka Internet, ka Phone wa kiwi kiwi.
Kiwi kiwa da klam kynthup ki ya ka R. Patlong, Programme Manager, MCSWA, ka H. Pale, Case Worker, ka R. Passah, District Social Welfare Officer, u P.S. Dkhar, District Programme Manager ka yung krehkaam ka District Social Welfare Officer wa kiwi kiwi.
Ha kani ka sngi da wan chimbynta da ki waheh chnong waphær waphær.
