U Health Minister, u Wailadmiki Shylla ynne da kubur u wa duna ki Doctor Specialist ha Meghalaya deiwa ong wa ka sorkar u pynsmat ko u thung ya ki khnang wow pyndap yeiwa duna deiwa pynrap wa dang yang yei rukom wan ki Doctor wa kwah u chah thung kreh.
Chooh chooh da ong u wa yow pyndap yeiwa emkaam jhan da phah ya ki Doctor wow lai ki ha ki Short-term Training ha ki bynta wa joor i dawa.
U Wailadmiki da ong u leh wa boon ki doctor napoh ka State Quota kiwa dang lai puræ Postgraduate katni cha baar ka jylla wei manda dep ki daw ye u pyndap yeiwa emkaam.
Heiyatoh wa i chim sy’at ya ka bai sumaar ha ki Private Hospital, da ong u wa da pynmih ya ka hukum wow kdoh yei rukom kheiñ bai sumaar ki Hospital. Tangwa ym em khana u wa lada da booh thij yeini i dor wa i rukom wow kheiñ ki.
Da kdaw u leh wa ka Meghalaya Health Insurance Scheme (MHIS) katni da pynyabi ya ka wa ka Ayushman Bharat Scheme ka Sorkar Pyrdi khnang wow pynjanai yei rukom sumaar wei wow myntoi ki paidbah.
Discussion about this post