Ka Jowai City YMCA deiwa ya krehlang wa ka District Social Welfare Officer, Jowai deilang ka Health Department, West Jaiñtia Hills District, Jowai ha ka 20 tarik uni u bnai da pynman ko ya ka Free Health Camp deilang i sylli yei chait i khiah kiwa da heh rta ha ka yung krehkaam ka YMCA wa em ha Iawthymme, Jowai.
Waroh da em 41 ngut kiwa da heh rta kiwa da yoh myntoi na kani ka Health Camp.
Ki Doctor wa kiwa kreh ka Ladthadlaboh Urban Health Centre, Jowai deilang ka Bansara Eye Care Centre, Jowai da wan ki wow pait yei chait i khiah kini kiwa da yoh myntoi.
Da pynman leh yei pynsñiawthooh chaphang ki jait kjut Non-Communicable Disease (NCD) namo ki jait kjut wym poor na uwi cha uwi u bru katwa neiliang ka Bansara Eye Care da batai ki leh chaphang ki laad yada na ki kjut wei ka Dr. H.L Suting, DEIC Manager, Jowai da klam ko chaphang ka Rashtriya Vayoshri Yojana (RVY) Scheme, kamjooh ki myntoi wa yoh kiwa heh rta wei kammon u leh ki yow yoh yarap na kini ki Scheme.
Discussion about this post