Da pynmih ya ka kot “The Cry of the People of Labang Nangphyllut” yow pynkynmoo ya kiwa da mylliñ

Khnang wow pyntip ya ki wym pu tip wei wow pynkynmoo ya kiwa da mylliñ, neiliang u M.M. Thaiang uwi na ki bru waheh wasian uwa imsngi wow yieñ yaleh hei kaam wow wanrah biang ya ka Elaka Labang Nangphyllut wa Pangam Raliang (Block- I wa Block –II), da thoh wei pynmih u ya ka kot kawa e pyrtuid “The Cry of the People of Labang Nangphyllut”.

Ya kani ka kot da thoh hei ktien English wei i daw wa thoh ya kani ka kot hei ktien English toh khnang wa kiwi tawon ki jaitbru leh yoh ki u tip u sñiawthooh yei hok yei sakhiat chaphang i yaleh ki Labang Nangphyllut yei hok yong ki yow wan biang kani ka thaw cha Meghalaya.

Ha kani ka kot uwa thoh da khana u chaphang i thaw i bhaw wa ki bru wa chong wa sah ha Labang Nangphyllut, yei hok longtre mantre yong ki yei khyndaw yow chyiap yow pood u ang. I lehbor thombor da ka sorkar Assam pyrchah yei hok kini ki bru. I yaleh ki Labang Nangphyllut wow yoh yei hok yong ki. I chah lehbeiñ wei chah pyndooh yei hok longbru manbru. I yaklam ki ar sorkar Meghalaya-Assam heiyatoh wa ini i kaam. Ki dorkhat namo ki Memorandum wa e cha ka sorkar heiyatoh wow pynuiñ biang ya ka Labang Nangphyllut cha Jaiñtia Hills District, Meghalaya wa ki ‘Acknowledgement’ na ka sorkar.

Kani ka kot da e ko chiboon ki khana kiwa bniah heiyatoh wa i longtre mantre ki Labang Nangphyllut ya i thaw yong ki, ka parom i lai luti i yaleh ki bru kani ka thaw wow yoh yei hok yong ki wa kani ka thaw u wan biang ko cha Meghalaya nadooh wa pynhaap yabor ka Assam cha ka United Cachar & Mikirs Hills ha u snem 1951 hadooh katni.

Related posts

Chi bnai e por ka JSU ya ka DSC West Jaiñtia wow khut pynman Exam noh

May 15, 2025

Dawa ka FKJGP Jaiñtia Hills wow kær ya ki sarok yow lait nei jia wa sñiawsih

May 15, 2025

I mut i thmu uni uwa thoh ya kani ka kot toh u e wyrta cha kiwa chong chnong ka Ri Khasi Jaiñtia ya ki waheh wasian, ki khynroo khyllood wow tip ki chaphang ini i kaam. Heijooh i por man leh kam wow e bor e mynsien khamtam ya ki khon khynroo khyllood wow tip ki u maya ya ka ri waka jaitbru.

Kani ka kot em ko 136 sla wei i dor dai toh Rs. 300 kawi.

Ye phi leh u yoh ka ha Ri Khasi Book Agency 1st Floor, Elibon Marbaniang Building Mawkhar Mavis Dunn Road Shillong-793001, ha ki dukan dai kot waphær waphær wa em ha Jowai, ha yung uwa thoh yakani ka kot hi ha Mookyrdup, Jowai wa ha thaw sah u Chandame Sungoh ha Tredieñliñ, Chutwakhu, Jowai.