theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Da pynpsiah pyrtuid ya kiwa em yei duna hei doh i pran ha East Jaiñtia

Advertisement ad1

Ka yung krehkaam yong u Deputy Commissioner, East Jaiñtia Hills District, chirup i krehlang ka chnat Social Welfare, ka National Institute for Locomotor Disabilities Kolkata, ka Kyrmen Foundation wa kiwi, ynne ka sngi da pynman ki yaka Screening Camp yow pynpsiah purtuid ya ki bru wa em i duna hei doh i pran ha Jaiñtia Eastern College Khliehriat.

I thmu yong kani ka yalang wow pynpsiah pyrtuid ya kiwa duna hei doh i pran toh yow yoh ki yaki laad yarap waphær waphær naka sorkar wa kynthup ki tiar ki tar kamjooh na ki Scheme.

Neiliang u Kyrmen Shylla, u Montri wa pait yaka chnat Social Welfare hawa e yei klam ha kani ka sngi da e mynsien u yaki manbei manpa kamjooh kiwa em duna deiwa ong, “Ham diaw la phi man phær phi na kiwa boon wa lang, tangwa sñiawsarong wa phi em phi ka sap kyrpang wa u Blai da e u ha phi”.

Ong haroh u wa man i i jooh haka imlang sahlang neibhah wot kiwa biang i dooh i pran leh em ki chiboon i duna, khamtam i duna hei rukom pyrkhat, na ini i daw ki leh emkaam ki wow yoh yei sikai.

Da khana u wa neiliang ka sorkar leh da pyrchang ko u chna ki laad ki luti khnang wow yoh i jooh i hok khlem da kheiñ ya kiwa em duna hei bynta waphær yong i doh i pran.

Neitæ kyntu haroh u wow sñiawjan ki waka kynhun kawa oo embynta u ka Kyrmen Foundation kawa man kawi ka kynhun wada mih chakhmat u e yarap ya kiwa duna i doh i pran.

Pyntip haroh u waka Kyrmen Foundation daw sdang noh ko yaka skur wa kyrpang neibynta yong ki, kamtæ kyntu u yaki bei ki pa u wan pynpsiah pyrtuid ki yaki khon yow yoh ki yei tip i stat.

Heijooh i por daw sdang leh yaka Self Help Group neibynta kiwa em i duna, neibhah wa ki leh em ki yei sap wow leh kam kiwi tawan. 

Da yoh leh i klam ha kani ka sngi na u A. Baranwal, Deputy Commissioner, East Jaiñtia Hills District, na u Fourness Dhar, President Kyrmen Foundation, na u Mithun Roy, Northeast Convener SAKSHAM, Governing Council Member NILD Kolkata, naka R. Passah, District Social Welfare Officer, na u S. Marwein, EAC, EJHD wa kiwi.

Waroh kiwa da wan thap pyrtuid da em ki 222 ngut. Kiwa yaleh wow yoh ya ki tiar yarap da em ki 117 ngut, kiwa yaleh wow yoh ya ki Artificial Limbs namo ki kti, ki kjat wa da chna kyrpang da em ki 32 ngut heiwa 13 ngut da chem toh kiwa ye u yoh yarap wa uwi wa ye u yoh ya ka Cochlear Implantation yow yarap yei bor ki chkoor.

Share this:
Previous

Daw pynman ya ka yalang ka All Jaiñtia PWD Workcharge Association

Next

Da khut ya kiwa kwah wow yoh ya ka Dr. Ambedkar National Award