Ka Priang Youth Welfare Sport Club, Priang, West Jaiñtia Hills da pyntip ko wa ki bor pynlai District ka West Jaiñtia Hills da phah pynsangeh chwa ki chipor ya ka lympung (Tournament) yalehke Football wa nyngkong dooh yong ka.
I daw wa da phah pynsangeh ya kani ka lympung toh neidaw wa ympu biang ki kyndon SOP wow yada na ka kjut khlam COVID-19.
Ya kani ka lympung da sdang nadooh ka 8 tarik uni u bnai hajrong i thong wow pynku ya ka sap yalehke ki khynnah kynroo ha ka Football.
Neiliang u Newyearborn Sumer uwa man kam u Secretary kani ka Club da pyntip u wa ya ka lympung daw pteiñ ko hadien wa yoh ya ki kyndon wei yeini daw pyntip biang cha ki paidbah.
