Ka Seiñraij Jowai da pyntip ko wa ka Art and Culture Committee da khut yalang ko ynne ka 23 tarik wow pyrkhat yei pynkhreh yaka Chaad Sukra 2020 deiwa pyrkhat ya i eh i khoo ka ri, ka jaitbru wei ha pyrthai waroh kawi neiwa em u khñiang khlam COVID-19.
Hadien wa da yaklam wei da ap yei e yumut wei deiwa pyrkhat sani bha yei long i man wa katni heiwa waroh kiwa chong chnong waroh ym laitlooid de i lai i wan, i man dorbar sorbar, i pynkhreh i pynkhrum wow yalang chiboon ngut deiwa bood yaki hukum wa da pynmih daka sorkar yow yada nei poor uni u khñiang khlam wa chyrkhei.
Hajrong ini, ka Dorbar da i sñiawkhia i wym banse, da rai wa ya ka Chaad Sukra 2020 kawa mut u man haka 17 wa 18 u April, 2020; u pynsangeh chwa hadooh wow pyntip deiwa tawan. Khnang leh wa ki khon Niamtre waroh kiwa embynta haka Chaad Sukra u lait ki nei kulmar yumut, yow ye ki leh u man kiwa bood thij yaki hukum sorkar kiwa mih na ki por cha ki por yow ye u yada na i poor uni u khñiang.
Discussion about this post