Ka yakob khwe namo ka Fishing Competition wa da thmu pynman da ka RCLP School Mynsngat ha ka 25 tarik uni u September ha nan u Elias Muksor wa em ha Mynsngat Mootha, West Jaiñtia Hills District da rai wow pynsangeh chwa ya ka wei daw pyntip paidbah won ki hadien.
I daw wa pynsangeh toh neidaw wa wan mih kiwa jop ya ka yakob khwe yong u snem 2024 kawa pynman ha ka 23 tarik u bnai September kiwa da ong wa da pynman da ka Dorbar Chnong Mynsngat yow pynmih poisa ya ka Community Hall ka chnong tangwa ya ki Prize won ym em yoh ki.
Ya kani ka rai wow pynsangeh chwa, da ya mynjurlang deiwa yasoi soskular ha Nartiang Police Station ynne ka sngi hapyrdi kiwa mihkhmat na ka RCLP School Mynsngat, neitæ u Elias Muksor kam u tre nan, kamjooh leh i emlang kiwa khwe wa jop ha u snem 2024 ki wym pu em yoh ya ki Prize hadooh katni.
Neiliang kiwa khwe wa emlang ha kani ka sngi da khut ki ya waroh kiwa jop ha ka yakob khwe yong u snem 2024 ki wym pu em yoh Prize wow sñiawbha ki u wan cha ka yalang wa kyrpang ka wow man ha ka 25 tarik ha Tuber Shohshrieh heipor 1:00 waje i sngi neibynta u ya pyrkhat ya sñiawthoohlang yow lai chakhmat hajrong i dooh ki yei hok yong ki na ka yakob khwe wa pynman da ka Dorbar Chnong Mynsngat ha ka 23-11-2024.
Da khut ya ki wym pu em yoh ya ki Prize wow Phone ha kini ki Number- u Maham Singh Sumer (8787605921), u Gilbert Challam (6909820171), u Khaimon Challam (9863044550), u Sowiki Lakiang (9366750326) wa u Heibormi Myrten (8259070190) wei manda wan ki wow rahlang wa ki Slip wa jop ki kam wow pynsakhiat wei yow chim ka rai wow lai chakhmat.
Discussion about this post