15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynskem ya ki dkhot ka Hill Farmers Union, West Jaiñtia Hills

0 Comments
Advertisement ad1
Advertisement ad1
Advertisement ad1
Advertisement ad1

Jowai: Ya kiwa kitkaam wa pura yong ka seiñ ki warep wa tip kam ka Hill Farmers Union (HFU), West Jaintia Hills District da yoh wow pynskem pura da u President yong ka seiñ bei u Commander Shangpliang ha Jowai.

Neiliang ki warep kiwa da wan ya chimbynta ha kani ka yalang da pynsñiaw ki yei sñiawkmen wa yoh ya ka seiñ ki warep khnang wow ye ki u pynsñiaw yei eh yong ki cha ka sorkar.

Advertisement ad1
Advertisement ad1

Neiliang ki warep da pynsñiaw ki ya kiwa boon ki eh heiyatoh wa ki symbe, ka irrigation (um), ka Insurance ya ki mar rep, u sarok, ka dor ka mur wei kamjooh leh hajrong i chah ah kilo pyrchah yaka aiñ ya ki mar rep wa kiwi kiwi de.

Hawa e yei klam ha ka sngi pynskem ya kiwa kitkaam, u Commander Shangpliang da pyntip u wa waroh kini ki eh neiliang yong ka seiñ da dep yaklam leh wei da phah booh dorkhat leh cha ka sorkar jylla.

“Ham yang ya kiwi wow yaklam neibynta ki eh ki warep, hap yakhun hi i, kiwi ye ki wow klam da ki ktien wa ki sñiawkhia ki ya i ki warep wei ye ki u ong leh wa i man i kam ki budloom ka ri wa ka jaitbru tangwa ha ki kaam ym em leh ki iyi iyi leh,” ong u Shangpliang.

Da ong u wa ka seiñ ka thmu ko wow pynpsiah dkhot kamwa 1 lak ngut hapoh ka seiñ wei katni da poi palat 40,000 ngut, tangwa du katni ym pu biang.

Da kitbok kitrwiang leh ya kiwa kitkaam ka West Jaiñtia Hill deiwa ong wa kam kiwa yahkhmat ym toh u sñiawsyier hawa krehkaam neidaw wa u Blai da e u ya i ki bru wa chemphang hanlada duna i ha ka puræ puthi kam ki warep.

Kiwa kitkaam yong ka West Jaintia Hill kynthup ki ya u Kerlang Shylla kam u President, u Treilang Bareh kam u General Secretary, u Marbiang Phyllei kam u Adviser, u Moses Suting kam u Vice President, u Heibormi Lyngdoh kam u Assistant Secretary, u Michel Kyndait kam u Finance Secretary, u Pillarson Phawa kam u Executive Member. Da rai leh wow pynpsiah chooh chooh ki Executive Member ya ki President lane Secretary yong ki Unit waphær waphær.

Advertisement ad1
Advertisement ad1

0 Comments

Leave a Reply