Da pynsmai ya u Swapnil Tembe kam u State Chief Commissioner ka Meghalaya Bharat Scouts & Guides

Ka Meghalaya Bharat Scouts & Guides da pynman ko ya ka yalang jhan ka State Executive Committee ha ka 25 tarik uni u bnai ha P.J. Bazeley Auditorium Hall, State Headquarters, Shillong kawa pynlai da u Swapnil Tembe, IAS uwa man kam u Secretary ka chnat Education ka sorkar Meghalaya heiwa da pynsmai wei da thung ya oo kam u State Chief Commissioner deiwa pynthymme ya ki kular wei da soi ya ka soskular MoU.

Da yaklam leh ya ki mat wa emkaam wei da chim ya ka rai wow pynbha pynmiat ya ka Scouts & Guides neibynta ki khynroo khyllood ka jylla.

Related posts

Lai yang ka KSU Umsning Circle ya ka nan Nongmahir yow pyrchah yei wan noh Blai ka Puja Committee 

October 21, 2026

Na chiliang u pood sakhi ki Bangladeshi yei pynkut ya ka Durga Puja ha Dawki

October 21, 2026

ADVERTISEMENT

Neiliang u Swapnil da pynsñiaw u yei sñiawngooh ya ka Meghalaya Bharat Scouts & Guides ya ki kaam wa da leh ki wei da pynchlur u leh wow pteiñ ya kini ki kaam.

Da pynkut ya ka yalang deiwa rwai ya ka National Anthem.