Jowai: Ka Moolamanoh Sports Club, East Jaiñtia Hills District da pynthymme ko ya kiwa kitkaam yong ka neibynta u snem 2020-2023.
Ya ini i pynthymme da pynman ya ka ha ka 9 tarik uni u bnai ha yung Club Moolamanoh, hadien wa dep e ya ka bui krehkaam namo ka Annual Report.
Da jied thymme ya kiwa kitkaam kamni hawah:
Mas Dkhar kam u President, u Apsalon Siangshai kam u Vice President, ya u Shimpormi Rymbai kam u Secretary, u Pheinlang Siangshai kam u Asst. Secretary, u Kevin Dkhar kam u Treasurer.
Da jied leh ya u Jop N Dkhar wa u Shem Rymbai wow man kam kiwa ebuit namo Adviser wei da jied leh ya 21 ngut ki Executive Member.
Ya ka yalang ha kani ka sngi da pynlai da u Waheh Chnong, u Dras Siangshai hei emlang u General Secretary Chnong u Lambres Siangshai.
Kani toh katkam ka Wyrta na u Secretary Moolamanoh Sports Club, u Shimpormi Rymbai.