Da pynthymme ya kiwa kitkaam ka Dorbar Chnong Mukhla Nongrim

Mukhla: Ka Dorbar Chnong Mukhla Nongrim West Jaiñtia Hills da jied thymme ko ya u Waheh Chnong, ha ka 09-10-2018 ha ka Dorbar Chnong wa pynman ya ka Election wow jied ya u Waheh Chnong hadien wa ka samoi krehkaam Waheh Chnong warim da poi ko chawa kut.

Ya ka Election jied Waheh Chnong da pynlai da u RM Garod u Pa Doloi ka Elaka Nangbah ha kani ka chnong kawa haap hapoh ka Elaka yong oo.

Kamtæ ki paidbah da mih yonglang ki chynrang wa kynthai wow pyndep ya ka kaamram yong ki wow jied ya kiwa yahkhmat ka chnong, wei ha kani ka sngi da em 3 ngut kiwa yakhun wow man Waheh Chnong u Mista Suna uwa man leh u Waheh Chnong warim wa da kut ka samoi krehkaam, u Lang Sari wa u Muhon Sari.

Ki paidbah da iwi i yumut da jied thymme noh ki da u Muhon Sari ha kani ka sngi kam u Waheh Chnong wa thymme.

Hadien ini ka Dorbar Chnong da pynman ko ya ka yalang paidbah wow jied ya kiwi kiwa kitkaam chnong ha ka 13-10-2018  ha ka yung dorbar ka chnong wei da jied ya kini kiwa kitkaam hawah:

1. Asst. Waheh Chnong         –              U Lang Sari.
2. Secretary Chnong               –              U Lakhon Sari.
3. Asst. Secretary Chnong     –              U Hammut Sari.
4. Chairman Chnong              –              U Teng Sari.
5. Vice – Chairman                 –              U LunarSuna.
6. Treasurer                              –              Ka Nital Suna.

Ha kani ka sngi ka Dorbar Chnong da jied ko leh ya ki Executive Member ka chnong.

Related posts

Tooid ki paidbah cha ka Lympung ka Sengkhihlang ha Seiñraij Muthlong

April 19, 2026

Khut sñiawbha ka Seiñ Raij Chnong Pynthorsale cha ka Chad Sukkara

April 16, 2026