Ka Hill’s Farmer Union, West Jaiñtia Hills District da pynthymme ko ya kiwa kitkaam yong ka seiñ ha ka 30 Naichiphaw 2021 ha ka yalang wa da pynman ha Community Hall Salani Colony Mihmyntdu. Ha katai ka sngi da pynlai ya ka yalang da u President waheh dooh ka seiñ HFU Central Body u Commander Shangpliang uwa da e leh ya ki kyntien maitphang wa ki batai yei rukom krehkaam yong ka seiñ.
Ha katai ka sngi, da wan wow chimbynta da waroh kiwa kitkaam yong ki Unit ka Hill Farmer’s Union kiwa em ha ki 3 tylli ki Block hapoh ka West Jaiñtia Hills District. Wei hadien wa da yatai sani ya ki kyndon wa ki rukom krehkaam yong ka seiñ da jied ya kiwa kitkaam yong ka HFU West Jaiñtia Hills District Unit.
Kiwa kitkaam wa thymme yong ka HFU-WJHD man ki kamni ha wah:
- U Mutshwa Thabah-President
- U Mosses Suting- Vice President
- U Chanbor Rymbai- Secretary
- U Rilut Dkhar- Assistant Secretary
- U Lenis Suja- Treasurer
- U Supplyme Sari- Organizing Secretary
- U Marbiang Phyllei wa u Wanly Pohtmi- Adviser
Wa ki Executive Member kiwa kynthup ya u Kmenlang Suting, u Kishon Kharsahnoh, u Dayowanmi Shylla, u Fullmoon Syrti wa u Jenda Sari.
Ya kiwa kitkaam wa thymme da pynskem da u Commander Shangpliang wei da yoh leh ya ki kyntien e mynsien wei i sneiñ i kroo na u Allfondbirth Kharsyntiew, General Secretary ka seiñbei.
Da pynkut ya ka yalang da ki kyntien e khublei na u President wa thymme yong ka HFU West Jaiñtia Hills District u Mutshwa Thabah.