theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da pynthymme ya kiwa kitkaam ka JHTOA

Ynne ka sngi ka seiñ Jaiñtia Hills Truck Owners Association (JHTOA) da pynthymme ko ya kiwa kitkaam yong ka ha ka yalang wa man ha Phramer, West Jaiñtia Hills.

Hawa yaklam wa u president thymme ka seiñ, u Biangshwa Shylla da ong u wa ynne da yoh u chong ka yalang Executive Committee heiwa da thung ya kiwa kitkaam ka seiñ wei kyrmen skem u wa ki kaam wa sahteiñ ka seiñ u lai ki chaphrang khnang wow myntoi ki paidbah kiwa im ja na ki kaam truck.

Advertisement ad1

Heiyatoh wa ki kaam wa sahteiñ yong ka seiñ, da pynkynmoo u wa wa ka sorkar jylla da booh hukum ko hajrong i bai kit ya i khyndaw-bilat wa u clinker wei hadooh katni ym em u krehkaam i dor wa booh ka sorkar kamtæ ka EC daw booddien ko yeini hadooh wa pynkrehkaam ki karkhana ya kani ka hukum.

Ynne da chim leh ya ka rai wow pdiang ya ki bru wa em truck wow man ki kam ki dkhot yong ka seiñ.

Heiyatoh wa i angnood yong oo kam u president wa thymme ka seiñ, u Biangshwa Shylla da ong u waka seiñ hadooh ynne ka sngi ym em ko ya ka yung krehkaam wa pura yong ka, wei heiyatoh wa ini da ong u wa daw yaleh katwa ye wow em da ka yung krehkaam yong ka seiñ khnang wow ye u pynman ya kiwon kiwon ki yalang ka seiñ wei hajrong ini daw thied noh da i thaw.

Kiwa kitkaam wa thymme ka seiñ man ki kamni hawah:

  1. President – Biangshwa Shylla
  2. Vice President – Bikin Paslein
  3. Chairman – Working Ryngkhlem
  4. General Secretary – Harpidiyou Suiam
  5. Asst Secretary – Beterborn Sungoh
  6. Treasurer – Showmiwell Kyndait
  7. Publicity Secretary -M. Tyngkan
  8. Adviser –  Pyrkhat Shylla

Da jied leh ya ki 11 ngut ki Executive Member.

Advertisement ad1
Share this:
Previous

Khlaad noh u John Michel Shadap

Next

Da pynman ya i thooh ya ki khynnah wa em sap ha ki Sports