Ka seiñ Lechka Fishing Association (LFA) toh kawi na ki seiñ wa kreh monsñiawbha wow yada ya ki doh-um ha Lechka wei ha kani ka 8 tarik uni u bnai da pynthymme ko ya kiwa kitkaam yong ka ki wow kreh neibynta ka samoi wa 2 snem.
Kiwa kitkaam ka seiñ kynthup ki ya u Early Lyngdoh kam u President, u Richard Suting kam u Vice President, Pormi Suchen kam u Secretary, Reming Pohplet kam u Asst. Secretary, Ermark Ksih kam u Treasurer wa u Slonly Bareh kam u Advisor.
Neiliang ka seiñ da kyntu ko ya ki paidbah ka Ri-loom Jaiñtia wow yakrehlang ki wa ka khnang wow ye u yada ya ki le tylli ki wah ha kani ka thaw kiwa kynthup ya ka Lamu, Myntdu wa ka Amsynriang.
Neiliang ka seiñ da maham ko leh wa lada em kiwa tyngkheiñ ya ki kyndon ka seiñ daw pynchitom ko ya ki deiwa daiñ kuna T. 50,000 wei na kani, T. 40,000 u e sñiawbha ka seiñ cha kiwa e yutip cha ka seiñ heiyatoh wa kiwa leh pyrchah, katwa T. 10,000 won u neh ko ha ka yarong poisa ka seiñ.
Kiwa ujor namo pyntip ye ki u phone ha kini ki No. 8974949177/8119926015/9612707545.
