15 49.0138 8.38624 1 0 4000 1 https://wyrta.com 300 0

Da pynthymme ya kiwa kitkaam ka Synjuk Waheh Shnong Ri-Jaiñtia

0 Comments
Advertisement ad1

Jowai: Ka Annual General Meeting yong ka Synjuk Waheh Shnong Ri-Jaiñtia (SWSRJ) kawa pynman haka 22 tarik uni u bnai ha District Library Auditorium, Mynthong, Jowai, da yoh wow jied thymme ya kiwa kitkaam wa ya ki dkhot ka Executive Committee neibynta ka samoi krehkaam 2019-2022.

Kini kiwa kitkaam wa da chah jied ha katai ka yalang kynthup ya u President u Arminus C. Lipon uwa man leh u Waheh Chnong ka Pynthorlangteiñ kamjooh u Life Member ka SWSRJ, ki Vice President, u President Amlarem Block Unit, President Jowai Town Unit, President Khliehriat Block Unit, President Laskeiñ Block Unit, President Saipung Block Unit wa u President ka Thadlaskeiñ Block Unit.

Advertisement ad1

General Secretary u Kmenlang Shylla uwa man u Waheh Chnong ka Wahiajer, TBU, ki Joint Secretary, u GS ka Amlarem Block Unit, GS Jowai Town Unit, GS Khliehriat Block Unit, GS Laskeiñ Block Unit, GS Saipung Block Unit wa GS ka Thadlaskeiñ Block Unit.

Publicity Secretary u Ebormi Lyngdoh uwa man u Waheh Chnong ka Ladmukhla, TBU, Finance Secretary u Satly Ryngkhlem u Waheh Chnong ka Wapungskur kamjooh u Life Member ka SWSRJ, Treasurer u R. Willyson Roy Rymbui, Mukhla Mission uwa men leh u Life Member ka SWSRJ.

Internal Adviser u Shelsing Langi, Ummulong uwa man leh u Life Member ka SWSRJ wa u Pdianghun Dkhar, Moolang uwa man leh u Life Member ka SWSRJ.

Nalor kini, da yoh leh wow jied ya ki 31 ngut ki dkhot ka Executive Committee kiwa kynthup ya ki Life Member ka SWSRJ, ki Waheh Chong na Amlarem Block, na Jowai Town Unit, na Laskeiñ Block Unit, na Saipung Block Unit wa na Thadlaskeiñ Block Unit.

Ha kani ka yalang wa pynlai da u Satly Ryngkhlem da wan ya chimbynta da ki 300 ngut tam ki Waheh Chnong wa ki Life Member.

Kani man ko katkam ka kyrwoh lyngba u P. Dkhar, General Secretary warim ka SWSRJ.

Advertisement ad1

0 Comments

Leave a Reply