Ka District Magistrate ka East Khasi Hills da pynmih hukum ko ynne ka 11 tarik yow pyntip wa kiwa chah ktah na kiwa chah Test COVID-19 da em ki 6.7% ha kani ka chi tayaw iwa tip leh kam ka Poitivity Rate wei kiwa dang em ya u COVID-19 da em ki 878 ngut kamtæ da pynkyllooid, da pynyinsur chooh chooh ya ki kyndon hapoh ka District nadooh kani ka 12 tarik hadooh wa pynmih hukum da kamwi.
Ya ka Night Curfew da pynkylla naka 8:00 waje i miet cha ka 9:00 waje i miet hadooh 5:00 waje i step man-ka-sngi wei ha kini ki por ym chah ya iwon iwon i lai i wan.
Ki dukan wa kiwi ki kaam khayi pateiñ wa kynthup ya kiwa dai tim, ki Saloon/Beauty Parlour, Gymnasium wa kiwi kiwi da chah wow wai ki hadooh 6 sngi chi tayaw deiwa chah leh wow wai ki hadooh 6:30 i miet.
Ki Restaurant, ki Café, ki dukan cha, ki Bar, ki thaw wa song baam u chah u wai ki hadooh 8:00 waje i miet
Ki dukan wa kiwa dai tiar u man ki kiwa khang ha ka sngi Sunday. Ki thaw baam, ki Park wa ki thaw uiñke suwari kiwa da yoh bor ye ki wow wai ha ka Sunday katkam ki kyndon.
Ki dukan waroh toh u pynyoo ki dei miat lada toh kiwa da dep yoh tika namo ym em.
Kiwa leh Home Delivery neibynta jar jiar ki Restaurant wa kiwi de ki jait Home Delivery u chah ha ki por wym em ka Curfew.
Ki kari ki bru samen u pteiñ u chah u mih ki 100% katwa ki kari kamai u kamai ki da ka Odd/Even Number katkam ka hukum wa da pynmih ha ka 4 tarik uni u bnai.
Ki dukan dai kiad u chah u wai ki nadooh 9:00 waje i step hadooh 6:00 waje i janmiet nadooh ka 13 tarik uni u bnai.
