Kam chibynta wow e por ya kiwa su dan namo kai Taxpayer, ka tarik wow pynyabi ya ka PAN Card wa u Aadhaar da pynyinsur chadooh ka 30 tarik u Naiynru (June), 2023, yow e laad ya ki bru wow leh ki yeiwa emkaam (Aadhaar-PAN Linking) yow lait ki nei chah pynchitom.
Hapoh ka kyndon ka aiñ Income-tax Act, 1961, uwi pa uwi u bru wa em PAN Card, nadooh ka 01-07-17 em hok u wow yoh ya u Aadhaar Number, wei hap ki wow pyntip cha ki bor wa pait ya u Aadhaar ha lane chwa ka 31-03-23, deiwa su yei dor wa da booh. Ki wym leh yeini daw chah pynchitom ki katkam ka aiñ nadooh ka 01-04-23. Ka tarik wow pyntip wow pynyabi ya u PAN Card wa Aadhaar da e por wow leh hadooh ka 30-06-23.
Nadooh ka 01-07-23, ya ka PAN Card kiwa su dan ki ym leh yei pynyabi ya u Aadhaar kamwa toh u leh daw dam u krehkaam u PAN Card ki ha ini i rukom:
- Ym yoh ya ka Refund neibynta kini ki PAN Card;
- Ka sut (Interest) ym yoh ki neibynta ka Refund ha ini i por wa ka PAN Card ym krehkaam ko;
- Ki TDS wa TCS daw chah ah wei daw kheiñ hei dor wa heh katkam ka aiñ.
Ya ka PAN Card daw pynkrehkaam biang hadien 30 sngi, hadien wa da leh ki yeiwa emkaam wei deiwa su T. 1000.
Ki bru wa lait nei hap wow pynyabi ya u PAN-Aadhaar ym chah pynchitom ki kamwa da kdaw haneiñ. Kini kynthup ki ya kitu kiwa sah ha ki kattu katni tylli ki jylla, ki wym em hapoh ka ri, ki bru wym em man kam kiwa chong chnong ka ri India lane ki bru wa da em 80 snem i rta chaneiñ deiwa kheiñ ya u snem wa dep.
Da pyntip leh wa em palat 51 klur tylli ki PAN Card kiwa da dep pynyabi ya u Aadhaar hadooh katni. Yow leh yeini ye wow lai ha kani ka Website https://eportal.incometax.gov.in/iec/foservices/#/pre-login/bl-link-aadhaar .
