Phooh phieñ ka Dorbar Niamtre wa 6 ki khon khynroo khyllood ka Raij Bataw

Ka Dorbar Niamtre wa 6 yong ka Khynroo Khyllood Committee ka Raij Bataw kawa da man ha ka 26 tarik uni u bnai da man ko kawa phooh wa phieñ.  

Ya kani ka Dorbar Niamtre da sdang heipor 10:30 i step, wei chwa u sdang da yoh ya i ngoohblai na u Homi Lyngdoh wa man leh kam u Adviser yong ka Committee, ha i jooh i step da pynhær ya ka lama da ka Dilmon Lyngdoh wei da pynlai ya ka yalang da u Tony Byrloi wa man leh kam u General Secretary ka Seinraij Bataw.

Ha kani ka dorbar da yoh ya ki kyntien klam phang na u President ka Raij Bataw, u Shewanki Sumer wa ki kyntien pdiang burom na u Checkki Rupsi wa man kam u President ka Committee.

Ha kani ka dorbar da yoh i klam hajrong kiwa boon ki phang na u Kamnipaia Challam, na u Shanbor Rymbai, na u Kyrpad Syrti wa na u Wanki Shyrmang uwa man u kongsan ha kani ka sngi.

Da sakhi wa ha kani ka sngi da wan chimbynta na ki Seiñraij waphær waphær kam ka Seiñraij Lakadong Ummat, ka Seiñraij Lumputhoi, ka Seiñraij Khliehriat, ka Seiñraij Kur Shylla Byndihati wa ki dong waphær waphær wa haap hapoh i pait i yoo ka Seiñraij Bataw. 

Related posts

Mih deilang chynrang wa kynthai ha ka sngi Musiang ka Lehniam Behdieñkhlam 2026 ka Seiñ Raij Mukhla

August 25, 2026

Dei lai thooh lai daiñ ya ki Dieñkhlam ha ka sngi wa ar ka Behdieñkhlam ka Seiñ Raij Mukhla

August 24, 2026

Chwa wow kut ka dorbar da yoh ya ki kyntien e khublei na u Dahunmi Pyrtuh wa man kam u Secretary ka Committee. 

Kani toh katkam ka Wyrta na u General Secretary ka Bei Seiñraij u Tony Byrloi.