Da pyrchang ka BJALWA u pynim yeiwa da yap da jan wiar jait

Jowai : Ka Borghat-Jalaikhola Aquatic Life Welfare Association (BJALWA) ynnin ka 27 wa ynne ka 28 tarik da pynman ki ya ka tamasa “Wah Tisang Festival 2016” kam chibynta wow pynim biang yei kiñ lieñ yongrim.

Ha kani ka tamasa da em leh i yakop ympa, yakop yachut bol ha rood wah wa kiwi kiwi kiwa pynwyrngia ya ki wa wan paitke.

Ya kani ka tamasa da pynman harood ka wah Myntdu i bynta wa tip kam Tisang ha ka chnong Pyrsadwar.

Ha ka sngi pynkut ya ka Shad Nongkrem wan e kti u Lat ya ka aiñ Hima Khyrim Act, 2024

November 12, 2024

Da pynthymme ya kiwa kitkaam ka Khyrdoh Kur Passah

November 11, 2024

Ini i bynta ka wah Myntdu katkam wa khana ki waheh kani ka chnong man i iwa jooh dap da ki lieñ ki wakhwe dakha chwa u snem 1984-85 katwa ym pu em yap lut ki dakha na ka bih wa mih na u mooyong wa tooid cha ka wah Myntdu.

Ki tymmen katwa dang kynmoo ki da ong ki wa nadooh u Naisaphra hadooh u Naitung im ki cha um hei khwe wei dai dakha ka wa kyrchaan poisa ya waroh ki chnong wa em harood kani ka wah kam ka chnong Borghat, Kharkhana, Kwator, Pyrsadwar, Natbor, Demlakang, Pdengwah Khynriam, Lumpyngnad, Kamsing wa Jalikhola.

Ki khynnah khynroo ong ki wa katni ka um pynemkaam ya ka du hei kit mar don hi da ki lieñ ym jooh em de u yoh ki u sakhi yei khwe dakha. Ong ki wa lada sum ha kani ka wah kylla jnah u sñiooh ki. Ka umdih haap kyrchaan na ka umkor PHE katwa ha kipor tlang wa duna um haap li kit um ki deiwa lai kjat hadooh chi kynta. Heijooh i por harood ka wah da yoh u sakhi ya u chyiap wa khleh u wa ki mooyong wa lakhit.

Ka BJALWA da khut ki ya u ma Thombor Chiwat CEM JHADC kam u kongsan yow wai ya kani ka tamasa tangwa ym em u wan u cha kani ka Wah Tisang Festival 2016.

Da thmu ka seiñ leh u e da ka memorandum cha u ma Chiwat ka wow kyrpad poisa na oo yow chna ya ki baan wa khian ha ki wah wa tooid cha ka Myntu yow khang ya ki doh u poi cha ka wah Myntdu neidaw wa chisien poi ki cha ka Myndtu yap wot ki.

Kamjooh da kyntu leh wa ham dai lilam de ya ka wah cha ki bru samen kiwa wan pynsih chooh chooh ya ka wah.

Da kwah leh u pynim biang ya wah tangwa hadien wa khang ka NGT yei tih mooyong da chem leh wa ha ka luti Rymbai-Borghat dang mih thymme ki thaw tih mooyong wei kam ha Kongong wa ha Rymbai Road man ka sngi wan pynhiar mooyong ki trok.

Ini waroh man ki kam ki wow pynthuh (obstacle) ya ka seiñ hei lai luti yong ka wow pynim biang ya ka um. Kamjooh wow sikai biang ya ki khynroo wow kheiñ kor ki ya ka rymaw wa ym hoi u pynsih ya ka.