U Deputy Commissioner ka East Khasi Hills, u S.C. Sadhu da pyntip u wa ki pulit da Register Case ki yeiwa lai khyndang ka HYC ya ki yung yong kiwa sah pyrchah aiñ ha Lum Survey deilang wa kiwon kiwon kiwa da chim ya ka aiñ ha kti yong ki wei ym em laad ya kini.
Hawa yaklam wa kiwa toh khubor, u DC da pynsñiaw u yei khyrngiat wow yoo wa ka Hynniewtrep Youth Council (HYC) da lai leh ki yeini i kaam deiwa ong wym toh u chim ki ya ka aiñ ha kti yong ki neibhah ini wa leh ki daw wanrah chooh chooh yei eh.
Katkam i ong u DC wa hajrong i em kiwa chong wa sah pyrchah aiñ, ka sorkar dang ya pynbait ko wa ka yung krehkaam ka Defence Estate Office kawa em ha Guwahati, wei da pynkhreh leh ya ka bui (Report) hadien wa dadep lai pait ar tayaaw chwa da ka HYC, ki bor District wa na Cantonment Board, wei da yaklam leh wa ki heh ka Defence Estate kiwa em ha Shillong, wei ka bichaar hapoh High Court hajrong chibynta katai ka thaw daw pynman ka ha ka 28 tarik uni u bnai, wei ye u man wa dang yang ki yeiwa mih na ka yung bichaar.
Da ong u wa ini wa da leh da ka HYC da pynlyngngoh wei ka wym toh u jia wei da kyntu u leh wa la kammon kammon ym toh wow chim ya ka aiñ ha kti wei lada em kiyi kiyi toh u yaklam wa ki bor wa toh u pait.
Hawa pynsñiaw ya ka mukotduma ha High Court da ong u wa toh neibynta chibynta donhi i thaw wei ymtoh ya waroh ini i thaw, wei yeini leh da yaklam tangwa neiliang kiwa yasaaid aiñ yong ka DEO da pynsñiaw ki wa emkaam wow yang hadooh wa da chim rai ka yung bichaar wei wow leh iyi iyi chwa wow e yei bichaar ymtoh iwa bha khnang yow e lang ya ka Report katkam wa da chem hawa lai pait lai sylli.
Discussion about this post