Shillong: Ka montri yong ka tnat Health and Family Welfare etc, ka Roshan Warjri ynne da saam ko ya ki State Award for Handicraft Artisans neibynta u snem 2016-2017 wa ya ki Certificate cha kiwa chimbynta ha ka Skill Development Training Programme on Packaging to Unemployed Youth and Entrepreneurs ha ka yalang wa da pynman da ka Directorate of Industries and Commerce, ha Industrial Training Centre, Lower Nongrim Hills, Shillong.
Hei klam yong ka, ka Roshan Warjri da e khublei ko ya kiwa yoh ya kani ka State Award deiwa ong wa da to hi por wa ki khynroo khyllood ka jylla u chah hikai noh ki ha ki liang wa ye ki u seiñ khih pyn daki yaki hi. Da ong ko wa kani ka State Award da e kam chibynta wow pynchlur ya kiwi wei wow pynyoo cha ki wa ye hi u yoh myntoi na ki kaam thaiñ kriah namo ki Handloom wei chong i ha i mynsien samen.
Hei yatoh wa ka Skill Development Training Programme on Packaging, ka Warjri da ong ko wa ki mar Handloom wa mih na kani ka jylla joor bha i dawa ya ki neidaw wa bniah wei pliah kiaw leh ya ini i kaam.
U Additional Chief Secretary, u P. W. Ingty da ong u wa kani ka State Award for Handicraft Artisans da sdang da ka sorkar jylla kattu la ar snem yow e yaroh wei wow pynchlur ya kiwa kreh ya ki kaam thaiñ. Da yooluti u leh wa neini chaphrang daw mih kiwa na ka jylla ki wow lai yakop ha ka National Level.
Ye u ong heini wa ka esikai wa chi bnai wa tip kam ka Skill Development Training Programme da pynman da ka Indian Institute of Packaging, Kolkatta. Wa kiwa da chah pynkupburom ynne ka sngi da em ki kamwa 5 kiwa yoh ya ka State Award wa 128 ngut won kiwa da chah hikai ha kani ka kaam.
Kiwa yoh ya ka State Award for Handicraft Artisans da yoh ki ka song poisa wa T.50,000 ka trophy wa ka Certificate.
Discussion about this post