Da saam ya ki certificate cha kiwa chah hikai hapoh ka Seekho Aur Kamao

Jowai: Ynne ka 5 tarik da saam ya ki certificate cha ki 110 ngut ki khynroo khyllood kiwa da pyndep yei puræ yong ki ha ka Seekho Aur Kamao wa da pynman ha uni u snem wa dadep da ka Orion Edutech. Kani ka esikai toh kawa da pynlut poisa da ka Ministry of Minority Affairs ka ri.

Kani ka esikai toh kawa wailaad ya kiwa da chah hikai wow yoh kreh ki cha baar jylla heiwa da em ki company kiwa da yaklam ka sorkar wow ekhih ya ki manda pyndep puræ ki.

Ya ini i da leh ha ka yalang wa pynman ha Conference Hall ka yungkrehkaam u Deputy Commissioner, Jowai heiwa da pyllai ya ka da u EAC, u BJ Kharshandi heiwa u ADC, SC Laloo da man u kam u kongsan.

Da yoh ya ki kyntien waiphang na u Zonal Manager ka Orion Edutech Pvt. Ltd u Ashih Jana wa i klam na u Asst. Area Manager u Michael Thongni.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam u Kongsan ha kani ka sngi u Laloo da ekhublei u ya kini ki khynroo khyllood kiwa da pyndep ya kani ka esikai.

“Ka pyrthai man ko kawa sih bha wei lada yoh phone phi na ki company wa tyrwa kreh ya phi, sñiawbha pyntip cha i yow pyntikna i wa kini ki bru namo ki Company wa phone man ki kiwa kammon chwa wow lai kreh phi wa ki” da kyntu u Laloo ya kiwa da pyndep ya ini i puræ.

Hadien ini da yoh ya ki kyntien e khublei na u Research Assistant ka Planning Branch, u Iaidbha Phawa.