15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Kyruiñ khmat ka chnong Mukroh cha ki seiñbhalang neidaw wym chimkhia kiwa mihkhmat

0 Comments

Jowai: U Waheh Chnong wa u Secretary Chnong yong ka Mukroh Pyllun, West Jaiñtia Hills District u Lamsuk Sten wa u Hamar Muskut  da ong ki wa ka chnong Mukroh, kawi na ki chnong wa heh hapoh ka Mowkaiaw Assembly Constituency wa Barato MDC Constituency, tangwa ka chnong man ko kawa cha iehbieñ ha kiwa mihkhmat ha kiwa boon ki liang nadooh ka umbaam umdih, u sarok wa ki skur wa em hapoh ka chnong.

Hei yatoh wa u sarok na Mukroh cha Barato uwa man leh u sarok PWD uwa da sih u chawa palat awjan waroh chi lynter da ki thlu wei yei sih uni u sarok neiliang ka chnong da lai ood ki cha u MLA kamjooh u MDC yong ki tangwa ym em leh ki iyi iyi leh hei yatoh wa ini.

Advertisement ad1

Heipor wa miat uni u sarok katwon man u i kyrkhu ya ki paidbah ya kiwa lai luti na Barato cha Mukroh kamjooh leh ya ki khynnah skur kiwa lai puræ Secondary ha Barato khamtam ya kiwa kjut kiwa li thooh dawai na Barato PHC.

Nadooh wa sih uni u sarok ym jooh em de ki kari wa wan thooh ya ki khynnah skur wei da haap lai kjat ki man ka sngi wei booh ko ya ki i eh wa khroo bha heipor wa slap.

Hei yatoh wa ka umbaam umdih leh man ko i jooh heiwa kiwa mihkhmat man ki kiwa khlot yeiwa ood ki paidbah.

Ya ki skur dang em du ki Primary School wei da emkaam u pynheh u pynku kyrdan ya ki wei yeini leh da dep pyntip cha kiwa yahkhmat tangwa ym em mihsoh mihsla.

Kini kiwa heh ka chnong da e nongmuna ki wa ya u sarok PWD Mukroh –Saba u sarok uwa sih chawa palat, hadien wa li ood ka seiñ Indigenios Biodiversity Social Welfare Organization(IBDSWO) wa ka Jaiñtia National People Organization (JNPO) da chimkhia ka tnat PWD wow wan chna pynmiat ya oo hanlada ym em siang rong ki oo. Lada kamni kiwa chong chnong yoosar haap kyruiñ ki cha ki seiñbhalang kiwa chimkhia ymtoh de cha kiwa mihkhmat.

Also Read: E yaroh ki ar seiñ wa ka chnong Saba ya ka PWD wa da chna pynmiat ya u sarok

Previous
Next

0 Comments

Leave a Reply