Shillong: Ki bor pyllai ka District Administration, East Khasi Hill hei yakrehlang wa ka District Sports Office, East Khasi Hills wa u Superintendent of Police, East Khasi Hills da pynman ki ya ki program hei yatoh wa ka Rashtriya Ekta Diwas (National Unity Day) wa ka Rashtriya Sankalp Diwas (National Re-Dedication Day).
Heipor step u lat ka jylla u Ganga Prasad da kaweh lama u kam ka dak wow sdang ka “Run for Unity” ha Madan Iewrynghep, Shillong hei emlang u K. N. Kumar, Principal Secretary to the Governor, u P. S. Dkhar, Deputy Commissioner, East Khasi Hills District wa kiwi kiwi.
Kani ka phet das dang ko nadooh na Madan Iewrynghep, Malki Point, IGP, DC’s Office, Raj Bhavan wei da kut ko ha J.N. Sports Complex, Polo Ground.
Neiliang won u Deputy Commissioner, u P. S. Dkhar, da saam u ya ki khusnaam cha kiwa jop wei da yahkhmat u leh wow puræ ya ka Rashtriya Ekta Diwas Pledge.
Hei sngi nawon u D.N.R. Marak, Superintendent of Police, East Khasi Hills District da kaweh lama u ya ka rally ki kari wa ki thuk thuk na State Central Library heiwa u P.S. Dkhar da yahkhmat biang u wow puræ ya ka Rashtriya Sankalp Diwas (National Re-Dedication Day) cha kiwa chimbynta.
Ha Sohra Civil Sub-Division nawon u Sub-Divisional Officer (C), Sohra Civil Sub-Division da yahkhmat u ya kiwa kreh wow puræ ya ka Rashtriya Ekta Diwas (National Unity Day) and Rashtriya Sankalp Diwas (National Re-Dedication Day) Pledge hapoh ka Conference Hall, Office u Sub-Divisional Officer (C), Sohra Civil Sub-Division, Sohra.
Discussion about this post