15 49.0138 8.38624 1 0 4000 1 https://wyrta.com 300 0
Advertisement ad1

Toh u man kiwa da pynkhreh ha iwon iwon i por wa khih i bor ka rymaw: DM Wallang

0 Comments

Jowai: Ya ka National Disaster Reduction Day namo ka sngi wow pynduna ya i chah ktah hawa khih ki bor ka rymaw da sakhi ya ka ha Chilliang Raj Community Hall, Jowai hajrong ka thong “Disaster Mitigation & Preparedness”.

Ya kani ka program da pyllai da ka District Disaster Management Authority (DDMA), Jowai wei ya kani ka sngi toh u sakhi ha ka 29 tarik uni u bnai wei neidaw wa haap ka ha ka sngi Bibar ka DDMA da pynman noh ko ya kani ka program ynne ka sngi hei emlang u D.M Wallang Additional Deputy Commissioner & CEO ka DDMA, West Jaiñtia Hills.

U D.M. Wallang hei klam da ong u hei kylla i suiñ bneiñ katni, waroh ki bru toh u man ki kiwa da pynkhreh wa kiwa husiar lada em iwon iwon i pynyoo bor ka rymaw.

Da ong u leh wa ym ye i wow pynsageh yei bor ka rymaw kamtæ emkaam wow pynman ya ka esikai, ki mock drill wa kiwi kiwi chisien chi bnai ha ki skur, ki chnong wa kiwi kiwi.

Kam chibynta yong ka National Disaster Risk Day, ka DDMA da pynman ko ya ka yakop thoh essay, i dro dur neibynta ki khynnah skur.

U E.S. Lyngshiang, ADPO, DDMA da pynsoo u leh ya ka Slide Presentation ya ki kaam wa ye u leh wa ki wymhoi u leh hawa jia iwon iwon i pynyoo bor ka rymaw.

Advertisement ad1

0 Comments

Leave a Reply