Jowai: I chah kset kiwa tih mooyong ha kawi ka krem mooyong ha Ksan, East Jaiñtia Hills nadooh ka 13 tarik uni u bnai dang pteiñ i hanlada da pyrchang wow pynlait ya ki nadooh ka sngi wa chah kset ki (13 tarik) wei da embynta leh ki chipai ka NDRF, SDRF wa ki bor pulit kamjooh leh ki bor sorkar.
Nadooh ka sngi wa jia da pyrchang wow pynsngat ya ka um (pump) na kani ka krem tangwa neidaw wa pynemkaam da ki kor wa khian wa i liat ka um na kiwi ki krem mooyong wa em hajan kani ka krem, kani ka um da neh ko aw jan kamjooh bait.
Neiliang u SP ka District, u S. Nongtnger da pyntip u wa nadooh ynnin da pynsangeh chipor wow sai ya ka um na kani ka krem neibhah dang yang ya ki kor (pump) wa rap heh rap khlan wow pynsngat ya ka.
Ka sorkar jylla lyngba u montri rangbah da paan yarap ko leh wot na ka sorkar pyrdi wow yarap pynlait noh ya kini kiwa chah kset hapoh kani ka krem tangwa hadooh katni ympu em iwon iwon leh wa da leh ka sorkar pyrdi hajrong ini.
Discussion about this post