15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Ki kaam chah tooh na kylleiñ ka jylla

0 Comments
Advertisement ad1

Jowai: Katkam wa pyntip ki pulit ha ka 22 tarik da em kiwa tooh ya ka thuk thuk yong u Ksan Kupar Mawlong heipor 8:00 waje i step na Lumshyiap, Shillong.

Ha ka 21 tarik won ka Ridaburom Pasi da ujor u wa hei miet da em ki bru wa psiah tooh chapoh i yung (Quarter) ha R.P. Chest Hospital, Shillong wei da tooh ki ya ki sula, ki kchu, ki muna kynthai wa kiwi kiwi.

Ha ka 20 tarik da em ki bru wa tooh ya ka Maruti Gypsy wa em ya u number ML-08E-8025 ka yong u Shri Ferroso D Arengh na Daldagre, WGH.

Ha ka 19 tarik u Growing A Sangma da ujor u wa heipor 10:30 i miet ka thuk thuk u da chah tooh ko na Ampati Bazar, SWGH.

U Jyngshailang D Passah na Lawjynriew, Nongthymmai, Shillong da ujor u wa ha ka 21 tarik uwi u bru wa tip kam u Kitbok Sohtun da tooh ya ka Yamaha Scooter wa dang thymme napoh ka Dealership wei da pyndait u da ki number yong kiwi ki kari.

U Raphael Nongsiej da ujor u wa ha ka miet ka 21 tarik lane ka pyrdi synyaw ka 22 tarik da em kiwa tooh ka ka thuk thuk u kawa em ya u number ML-05Q-7867 na i yung u wa em ha Mawdiangdiang.

Advertisement ad1

0 Comments

Leave a Reply