15 49.0138 8.38624 1 0 4000 1 https://wyrta.com 300 0
Advertisement ad1

Da sdang biang i noh Fly Ash ha tymbud u sarok NH 44

0 Comments

Jowai : Hadien kattu katni snem wada khang yei noh ya u Fly Ash ha tymbud u Sarokbah NH 44 khamtam deiwa pynkrehkaam ya ka kyndon aiñ 144 CrPC  ha waroh ka Jaiñtia Hills District ini i leh khemakor kiwa yah truck da sdang biang i hadien wada sakhi ya ki churia Fly Ash ha ki kattu katni ki bynta ka West Jaiñtia Hills.

Kamwow pynkynmoo heini, u Fly Ash toh i tpai nei thang yow mooyong, wei da kit ya oo cha Ri-loom Jaiñtia yow pynemkaam ha ki karkhana yow pynmih khyndaw bilat.

flyash3

Uni u Fly Ash man u uwa man bih bha neibhah wa ha oo em ki bynta wa ye u yohkjut cancer, lada riñ mynsien yei laphooh na ini i tpai ye u chitom hei riñ mynsien, wei uni u Fly Ash ye u leh u ktah ya ki mar rep, ki um ki wah wa kiwi kiwi.

Ha ki snem 2011-12 katwa dang joor i noh ya kini ki churia tpai da em i pyrchah na ki bru paidbah wa ki seiñbhalang iwa da pynbor ya ki bor District yow mana ki yei noh ya kini ki churia wei da phah leh ya ki karkhana yow pyllang ki waroh kini ki churia wa em Fly Ash.

flyash2

Ha kini ki 2-3 sngi wada dep da sakhi biang ya kini ki churia wada noh ha lynter u Sarok NH 44 khamtam ha Lad Nangbah, ha Mookyndur wa kiwi kiwi ki thaw.

Da pyrchang leh u phone ya ki heh ki Karkhana pynmih khyndawbilat yow yoh i che heiyatoh weini tangwa ympu yoh u yaklam waki. Lada ini pteiñ i tæ daw booh i ya ki paidbah hei ma wa khroo liang wanang.

flyash1

Advertisement ad1

0 Comments

Leave a Reply