Ka Crime Investigation Department, Meghalaya Police ynne ka sngi da pynlait paidbah ko ya Mobile App wa tip kam ka “MegCopWatch” ha ka yalang wa pynman ha Conference Room, Police Headquarters, Shillong heiwa ka I. Nongrang, Special Director General of Police, Meghalaya da wan embynta ko kam ka kongsan.
Kani ka App “MegCopWatch” toh kawa da chna yow ye u e yarap smat da ki pulit neibynta ki kynthai wa ki khynnah kiwa da chem chitom heiwa lyngba kani ka App daw pynyoo heiwon em kini kiwa emkaam yarap wei yeini u pynyoo cha ka Police Station wa em chajan dooh yow lai e yarap smat.
Kani ka App daw yarap ko wow pynman ya ka Meghalaya kawa chngaaiñ neibynta ki kynthai wa ki khynnah, daw yarap ko leh ya kitu kiwa dang lai puræ, kiwa kreh wa sah samen ha ki yung wai, ki Hostel, kiwa sah ha ki thaw wa jngai wei kiwa hap wow lai dei miet.
Daw yarap leh ya ki khynnah wa hap ki bei ki pa wow wiar slem na yung yow lai kreh. Wei kani ka App kattæ da em ko ha ki le tylli ki jait ktien Khasi, English wa Hindi, wei da sdang chwa ya ka hapoh ka sor Shillong wei daw pynkrehkaam ya ka ha waroh ki District ha ki bnai wow wan.
Neiliang ka Meghalaya Police da pynchlur ko ya waroh wow Download ya kani ka MegCopWatch.
Ya kani ka App da pynlait paidbah leh lyngba ka Internet deiwa chimbynta ki khynnah skur ka Shillong.
Da embynta lang leh u D P Marak, DIG CID, Meghalaya, ka Supriya Das, Special SP CID, Meghalaya wa u S S Dkhar, Deputy SP, CCW, CID, Meghalaya.
